+7 (701) 759 90 19
20 °С : نۇر-سۇلتان
21 °С : الماتى
USD 409.19 EUR 461.24
RUB 5.67 CNY 58.26
جاڭالىقتار

باس پروكۋراتۋرا: قوردايدا تارتىپسىزدىك جاساعانداردىڭ باسىم بولىگى - جاستار مەن جۇمىسسىزدار

29 مامىر 20:38
:ءبولىسۋ
باس پروكۋراتۋرا: قوردايدا تارتىپسىزدىك جاساعانداردىڭ باسىم بولىگى - جاستار مەن جۇمىسسىزدار

نۇر- سۇلتان. قازاقپارات – ق ر باس پروكۋراتۋراسى ارنايى پروكۋرورلارى قىزمەتىنىڭ باسشىسى ريزابەك وجاروۆ قورداي وقيعاسى بويىنشا جۇرگىزىلىپ جاتقان قىلمىستىق تەرگەپ- تەكسەرۋ جۇمىستارى تۋرالى باياندادى، دەپ حابارلايدى قازاقپارات ءتىلشىسى.

«وسى جىلدىڭ 7-8 - اقپانىندا قورداي اۋدانىنىڭ ءۇش اۋىلىندا 2 مىڭنان استام ادامنىڭ قاتىسۋىمەن جاپپاي تارتىپسىزدىكتەر بولدى. سونىڭ سالدارىنان 11 ادام قازا بولدى، ونىڭ 10-ى ولتىرىلگەن. ءبىر ادامنىڭ ءمايىتى ورتەنگەن ساۋدا ءۇيىنىڭ اراسىنان تابىلدى. 140 ادام مەن 20 پوليتسيا قىزمەتكەرى ءتۇرلى جاراقات الدى. 164 تۇرعىن ءۇي مەن ساۋدا نىسانى، 100-دەن استام اۆتوماشينا ءبۇلىندى. 342 ادام جابىرلەنۋشى دەپ تانىلدى. 400-دەن استام ءتۇرلى سوت ساراپتامالارى جاسالدى. مىڭ جارىمنان استام ادامنان جاۋاپ الىندى»، - دەدى ريزابەك وجاروۆ ورتالىق كوممۋنيكاتسيالار قىزمەتىندە وتكەن ونلاين باسپا ءسوز ءماسليحاتىندا.

سپيكەر تارتىپسىزدىكتەردى باستاۋشىلاردىڭ جانە ولارعا قاتىسقانداردىڭ جانجالداسقان ەكى تاراپتان دا بولعانىن اتاپ ءوتتى. قىلمىستىق جاۋاپقا 59 ادام تارتىلىپ جاتىر، ولاردىڭ اراسىندا ءتۇرلى ۇلت وكىلدەرى، سونىڭ ىشىندە قازاقتار مەن دۇنگەندەر بار. مەملەكەت باسشىسى قاسىم- جومارت توقايەۆتىڭ تاپسىرماسىمەن قورداي وقيعاسى بويىنشا قىلمىستىق ىستەردى تەرگەپ- تەكسەرۋ ەرەكشە باقىلاۋعا الىندى. وسى ماقساتتا باس پروكۋرور ارنايى پروكۋروردىڭ باسشىلىعىمەن ۆەدومستۆوارالىق تەرگەۋ توبىن قۇردى.

«ءبىز ادام ءولتىرۋ، جاپپاي تارتىپسىزدىكتەرگە قاتىسۋ، پوليتسيا قىزمەتكەرىنىڭ ومىرىنە قول سۇعۋشىلىق، ۇرلىق، توناۋ، قاراقشىلىق جانە مۇلىكتى جويۋ فاكتىلەرى بويىنشا 29 قىلمىستىق ءىستى تەرگەپ- تەكسەرىپ جاتىرمىز. كۇش قولدانعان جانە ماسانشى، بۇلان باتىر، اۋقاتتى اۋىلدارى تۇرعىندارىنىڭ مۇلكىن قيراتۋعا، ورتەۋگە، بۇزۋعا قاتىسقانداردىڭ نەگىزگى بولىگى - جاستار، جۇمىسسىزدار. ولاردىڭ اراسىندا ادام ءولتىرۋ، قاراقشىلىق، بۇزاقىلىق، توناۋ، زورلاۋ ءۇشىن سوتتى بولعاندار دا بار. تارتىپسىزدىك بارىسىندا قىلمىستار دەنساۋلىق پەن ازاماتتاردىڭ مۇلكىنە بارىنشا زيان كەلتىرۋ ءۇشىن اتىس قارۋىن، «مولوتوۆ كوكتەيلى» دەپ اتالاتىن جاندىرعىش قوسپالارىن، تاستار مەن وزگە دە قولدا بار قۇرالداردى پايدالانۋ ارقىلى جاسالعان»، - دەدى ول.

ال كۇدىكتىلەردىڭ وقيعاعا قاتىستىلىعى كۋالاردىڭ ايعاقتارىمەن، ەلدىمەكەندەردە ورنالاسقان بەينەكامەرالارمەن، ۇيالى تەلەفونعا تۇسىرىلگەن قولدا بار بەينەجازبالار ارقىلى راستالدى. جاپپاي تارتىپسىزدىكتەرگە قاتىسقانى انىقتالعان ءاربىر كۇدىكتىڭ ارەكەتىنە ءىس بويىنشا جينالعان بارلىق ايعاققا مۇقيات تالداۋ جاساعاننان كەيىن باعا بەرىلدى. بوستاندىقتا جۇرگەن 12 كۇدىكتى ادامعا جەكە كەپىلگەرلىك تۇرىندەگى بۇلتارتپاۋ شاراسى تاڭدالعان.

«كىناسىن مويىنداعاندارى، تەرگەۋگە كومەكتەسكەندەر، قىلمىس جاساۋداعى ەكىنشى دەڭگەيدەگى رولدە بولعاندار وتباسىلىق جانە دەنساۋلىق جاعدايلارى ەسكەرىلە وتىرىپ 8 ادام قاماۋدان بوساتىلدى. كۇزەت قويىلعان ادامداردىڭ قۇقىقتارىن ىسكە اسىرۋ ماقساتىندا كارانتين جاعدايىندا بارلىق قاماۋداعىلارعا تۋىستارىمەن بەينەبايلانىس ارقىلى سويلەسۋگە مۇمكىندىك بەرىلدى. ۆەدومستۆوارالىق تەرگەۋ توبى ءىستىڭ ءمان- جايىن تولىق وبەكتيۆتى، جان- جاقتى زەرتتەۋدى قامتاماسىز ەتۋ بويىنشا جۇمىستى جالعاستىرۋدا. باسقا اقپارات قىلمىستىق- پروتسەستىك كودەكستىڭ 201-بابىنا سايكەس جاريالاۋعا جاتپايدى»، - دەدى سپيكەر.

سونىمەن بىرگە، ارنايى پروكۋرورلارى قىزمەتىنىڭ باسشىسى كۇدىكتىلەردىڭ زاڭ الدىندا بىردەي ەكەنىن ايتىپ، تۇرعىندارعا ۇندەۋ جاسادى.

«قۇرمەتتى ازاماتتار! سوڭعى كەزدەرى ءارتۇرلى ادامدار تاراپىنان جۇرگىزىلىپ وتىرعان تەرگەۋ- تەكسەرۋدىڭ وبەكتيۆتى ەمەستىگى جانە اعاتتىقپەن جۇرگىزىلگەنى تۋرالى راستالماعان اقپارات ايتىلىپ ءجۇر. تەرگەۋ ءۇشىن بارلىق كۇدىكتى ۇلتىنا قاراماستان، قازاقستان رەسپۋبليكاسىنىڭ ازاماتتارى بولىپ سانالاتىنىن ەرەكشە اتاپ وتكىم كەلەدى. ءبىزدىڭ نەگىزگى زاڭىمىز - كونستيتۋتسيا ۇلتىنا بايلانىستى قانداي دا ءبىر كەمسىتۋگە تىيىم سالادى. تەرگەپ- تەكسەرۋ بارىسىندا تەك قانا قىلمىستىق پروتسەستىڭ زاڭنامالىق نورمالارىن باسشىلىققا الامىز. بارلىق كۇدىكتىلەر بىلىكتى زاڭگەرلىك كومەكپەن قامتاماسىز ەتىلگەن. ولار قاتىساتىن ءاربىر تەرگەۋ ءىس- قيمىلى ادۆوكاتتىڭ كوز الدىندا وتەدى. ۆەدومستۆوارالىق جەدەل تەرگەۋ توبى مۇشەلەرىنىڭ قۇقىققا سىيىمسىز ارەكەتتەرى تۋرالى بارلىق حابارلامالار مەن وتىنىشتەر مۇقيات تەكسەرىلەدى. قازىرگى ۋاقىتتا ولاردىڭ ارەكەتتەرىنەن قانداي دا ءبىر زاڭبۇزۋشىلىقتار انىقتالعان جوق. ازاماتتاردى شىنايى ەمەس مالىمەتتى تاراتپاۋعا جانە تەك قانا رەسمي اقپاراتقا سەنۋگە شاقىرامىن»، - دەدى ريزابەك وجاروۆ.

ەسكە سالا كەتسەك، 7 - اقپان كۇنى جامبىل وبلىسى قورداي اۋدانىنداعى ماسانشى اۋىلىنىڭ تۇرعىندارى اراسىندا جاپپاي توبەلەس بولدى.

اۆتور: ايجان سەرىكجان قىزى


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات