+7 (701) 759 90 19
20 °С : نۇر-سۇلتان
21 °С : الماتى
USD 409.19 EUR 461.24
RUB 5.67 CNY 58.26
جاڭالىقتار

قوردايدا قازاقءتىلدى سىنىپتارعا سۇرانىس كوبەيگەن

29 مامىر 20:23
:ءبولىسۋ
قوردايدا قازاقءتىلدى سىنىپتارعا سۇرانىس كوبەيگەن

نۇر- سۇلتان. قازاقپارات - جامبىل وبلىسى اكىمىنىڭ ورىنباسارى ەرجان جىلقىبايەۆ قورداي اۋدانىنداعى قازاق ءتىلىنىڭ مارتەبەسىن كوتەرۋ جۇمىستارىن باياندادى، دەپ حابارلايدى قازاقپارات ءتىلشىسى.

«اۋداندا قازاق ءتىلى ءپانىن وقىتۋشىلاردىڭ بىلىكتىلىگىن، ساپاسىن ارتتىرۋ كەرەك. ول ءۇشىن وبلىس اكىمىنىڭ تاپسىرماسىمەن مەملەكەتتىك ۋنيۆەرسيتەت ماماندارىن تارتىپ، قوسىمشا قازاق ءتىلى كۋرستارىن اشتىق. جىل سوڭىنا دەيىن مىڭ جارىم ادام، سونىڭ ىشىندە قازاق ءتىلى ءپانىنىڭ وقىتۋشىلارى كۋرستان وتەدى»، - دەدى سپيكەر ورتالىق كوممۋنيكاتسيالار قىزمەتىندە وتكەن ونلاين باسپا ءسوز ءماسليحاتىندا ءتىلشى سۇراعىنا بەرگەن جاۋابىندا.

سونىمەن بىرگە، سپيكەر بيىلعى وقۋ جىلىندا قوسىمشا قازاق سىنىپتارى اشىلاتىنىن حابارلادى. «وزگە ۇلت وكىلدەرى، ونىڭ ىشىندە ۇلتى دۇنگەن اتا- انالار بالالارىن قازاق تىلىندە وقىتقىسى كەلەتىنىن ايتىپ، قوسىمشا قازاق سىنىپتارىن اشۋدى ۇسىندى. سوندىقتان، بيىل قازاقءتىلدى سىنىپتار اشىلىپ، اۋدان بويىنشا ءبىرىنشى سىنىپقا قابىلداناتىن 1500 بالا قازاق تىلىندە وقيتىن بولادى. جالپى بۇل باعىتتا دا جۇيەلى جۇمىس ىستەپ كەلەمىز»، - دەدى ە. جىلقىبايەۆ.

بۇعان دەيىن سپيكەر اۋداندا زارداپ شەككەن 65 نىساننىڭ 54-ىندە قالپىنا كەلتىرۋ جۇمىستارى باستالعانىن حابارلادى. اسىراۋشىسىنان ايىرىلۋ جاعدايىنا بايلانىستى، قايتىس بولعان جانداردىڭ وتباسىلارىنا اي سايىن ورتا ەسەپپەن 55 مىڭ تەڭگە الەۋمەتتىك جاردەماقى تاعايىندالىپ، تولەنىپ جاتىر. سونىمەن بىرگە، جىل سوڭىنا دەيىن اۋداندا جول جوندەلىپ، گاز قۇبىرى تارتىلادى. جاڭا مەكتەپتەر مەن تۇرعىن ۇيلەر سالىنادى.

اۆتور: ايجان سەرىكجان قىزى


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات