+7 (701) 759 90 19
20 °С : نۇر-سۇلتان
21 °С : الماتى
USD 409.19 EUR 461.24
RUB 5.67 CNY 58.26
جاڭالىقتار

قورداي اۋدانى ەل ەكونوميكاسىنا ەلەۋلى ۇلەس قوسىپ وتىر – اكىمدىك

29 مامىر 20:03
:ءبولىسۋ
قورداي اۋدانى ەل ەكونوميكاسىنا ەلەۋلى ۇلەس قوسىپ وتىر – اكىمدىك

نۇر- سۇلتان. قازاقپارات - جامبىل وبلىسى اكىمىنىڭ ورىنباسارى ەرجان جىلقىبايەۆ قورداي اۋدانىنىڭ ينۆەستيتسيالىق تارتىمدىلىعى جونىندە اڭگىمەلەدى، دەپ حابارلايدى قازاقپارات ءتىلشىسى.

«2020 -جىلدىڭ 1 - مامىرىندا قورداي اۋدانى بويىنشا مەملەكەتتىك بيۋدجەتكە 2 ميلليارد تەڭگەدەن استام قاراجات تۇسكەن. مۇنداعى ونەركاسىپتىك ءوندىرىس كولەمى 5,6 ميلليارد تەڭگەنى قۇراعان نەمەسە وتكەن جىلمەن سالىستىرعاندا % 103 ارتقان»، - دەدى ەرجان جىلقىبايەۆ ورتالىق كوممۋنيكاتسيالار قىزمەتىندە وتكەن ونلاين باسپا ءسوز ءماسليحاتىندا.

سپيكەردىڭ ايتۋىنشا، اۋداندا ينۆەستيتسيا تارتۋ جۇمىستارى دا بەلسەندى جۇرگىزىلىپ كەلەدى. «الداعى بەس جىلدا - 2020-2025 -جىلدار ارالىعىندا جالپى سوماسى 317 ميلليارد تەڭگەگە 11 ينۆەستيتسيالىق جوبانى ىسكە اسىرۋ جوسپارلانعان. بۇل دا ءوز كەزەگىندە اۋدان مەن وبلىس ەكونوميكاسىن دامىتۋعا، قوسىمشا جۇمىس ورىندارىن اشۋعا ەداۋىر ىقپال ەتەدى»، - دەدى ە. جىلقىبايەۆ.

بۇعان دەيىن سپيكەر اۋداندا زارداپ شەككەن 65 نىساننىڭ 54-ىندە قالپىنا كەلتىرۋ جۇمىستارى باستالعانىن حابارلادى. اسىراۋشىسىنان ايىرىلۋ جاعدايىنا بايلانىستى، قايتىس بولعان جانداردىڭ وتباسىلارىنا اي سايىن ورتا ەسەپپەن 55 مىڭ تەڭگە الەۋمەتتىك جاردەماقى تاعايىندالىپ، تولەنىپ جاتىر. سونىمەن بىرگە، جىل سوڭىنا دەيىن اۋداندا جول جوندەلىپ، گاز قۇبىرى تارتىلادى. جاڭا مەكتەپتەر مەن تۇرعىن ۇيلەر سالىنادى.

ەسكە سالا كەتسەك، 7 - اقپان كۇنى جامبىل وبلىسى قورداي اۋدانىنداعى ماسانشى اۋىلىنىڭ تۇرعىندارى اراسىندا جاپپاي توبەلەس بولدى. وقيعا ورنىندا 8 ادام، اۋرۋحانادا 2 ادام كوز جۇمدى. جامبىل وبلىسىنىڭ قورداي اۋدانىندا ۇلتارالىق تاتۋلىق پەن كەلىسىمدى ساقتاۋ جانە نىعايتۋعا باعىتتالعان «بەيبىتشىلىك پەن كەلىسىم» اتتى جاڭا جوبا قول الىندى.

اۆتور: ايجان سەرىكجان قىزى


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات