16:20, 29 - مامىر 2020 | GMT +6
قازاقستان قالالارى اراسىنداعى بلوكپوستار الىنادى
نۇر-سۇلتان. قازاقپارات - قازاقستان قالالارى اراسىنداعى بلوكپوستار الىنادى.
بۇل تۋرالى ورتالىق كوممۋنيكاتسيالار قىزمەتىندە ق ر ي ي د م كولىك كوميتەتى ءتوراعاسىنىڭ ورىنباسارى جانىبەك تايجانوۆ ءمالىم ەتتى، دەپ حابارلايدى قازاقپارات ءتىلشىسى.
«ۆەدومستۆوارالىق كوميسسيانىڭ 1-ماۋسىمنان قالالار اراسىندا بلوكپوستاردى الىپ تاستاۋ شەشىمىنە سايكەس، 5-ماۋسىمنان تاسىمالداۋ شارالارىن جانداندىرۋ بويىنشا جۇمىستار ىسكە اسىرىلادى»، - دەدى ج. تايجانوۆ.
ونىڭ سوزىنە قاراعاندا، اۆتوبۋسپەن جولاۋشىلاردى تاسىمالداۋ كەزىندە تاسىمالداۋشىلاردىڭ ءتيىستى جۇمىس الگوريتمى باس سانيتارلىق دارىگەر قاۋلىسى تالاپتارىن ەسكەرە وتىرىپ ازىرلەندى. وسى ورايدا باعداردىڭ سوڭعى پۋنكتەرىندە اۆتوبۋستاردى دەزينفەكسيالاۋ، كولىك سالونىنا تەك مەديتسينالىق ماسكادا وتىرعىزۋ، سونداي-اق باسقا دا قاۋىپسىزدىك تالاپتارى ەسكەرىلگەن.