كارانتين كەزىندە كوكجايلاۋداعى ساۋىق كەشىنە بارعاندار انىقتالدى

الماتى. قازاقپارات - الماتىدا كارانتين رەجيمى كەزىندە كوكجايلاۋ شاتقالىنداعى ساۋىق كەشىنە بارعان تۇلعالار انىقتالدى، دەپ حابارلايدى قازاقپارات ءتىلشىسى.

«بىرنەشە كۇن بۇرىن كوكجايلاۋ شاتقالىندا ءبىر توپ ادام كينو كورىپ، كونسەرت ۇيىمداستىرىپ، كوڭىل كوتەرگەن. ولاردىڭ كىم ەكەندىگى انىقتالدى. ولاردىڭ بارلىعى اكىمشىلىك جازاعا تارتىلدى. قازىر قىلمىستىق جازا قاراستىرۋ ماسەلەسى قويىلىپ وتىر. قازىر بۇل تەرريتوريا الماتى اكىمدىگىنىڭ قاراۋىنا بەرىلگەنىن بىلەسىزدەر. جەر ۋچاسكەسىنىڭ تاعدىرىنا بايلانىستى اكىمدىك پەن مينيسترلىك تالقىلاۋ جۇرگىزىپ جاتىر»، - دەدى الماتى اكىمىنىڭ ءبىرىنشى ورىنباسارى ەرلان قوجاعاپانوۆ.

ايتا كەتۋ كەرەك، وتكەن اپتادا كارانتين تالابىنا قاراماستان كوكجايلاۋ شاتقالىندا ءبىر توپ ادام ساۋىق كەشىن ۇيىمداستىرىپ، دەمالعان. كەيىن وسى وقيعاعا قاتىستى اكىمدىك تۇسىنىك بەردى.