عالىمدار ادام اعزاسىندا كوروناۆيرۋسقا قارسى يممۋنيتەت قانشا ۋاقىت ساقتالاتىنىن انىقتادى
سوڭعى 35 جىل بويى عالىمدار سۋىق تيۋگە الىپ كەلەتىن كوروناۆيرۋستىڭ ءتورت تۇرىنە باقىلاۋ جۇرگىزىپتى. عالىمدار اۋرۋ ءاربىر ءۇش جىل سايىن ادامعا جۇعىپ وتىرعانىن انىقتاپتى. دەسەك تە كوپ جاعدايدا سىرقاتتان جازىلىپ شىققان ءبىرقاتار ناۋقاستار كوروناۆيرۋسقا 12 ايدان كەيىن قايتا شالدىققان. ال ەر ازاماتتاردىڭ اعزاسىندا انتيدەنەلەردىڭ سانى جارتى جىلدان كەيىن كۇرت ازايىپ كەتەتىن سىڭايلى.
وسىلايشا زەرتتەۋشىلەر ءبىر جىل وتپەي جاتىپ ادام اعزاسىنىڭ كوروناۆيرۋسقا قارسى قورعانىشتىق قابىلەتىن جوعالتاتىنىن انىقتاپتى.
«كوروناۆيرۋسقا قارسى يممۋنيتەت قىسقا مەرزىمدىك ەكەنى بەلگىلى بولدى. ال ۇجىمدىق يممۋنيتەتتى قالىپتاستىراۋ اۋرۋعا شالدىققانداردىڭ يممۋندىق جۇيەسىنىڭ السىزدىگىنە بايلانىستى قيىنعا سوعۋدا»، - دەيدى زەرتەۋگە جەتەكشىلىك جاساعان عالىم ليا ۆان دەر حوك.
زەرتتەۋ اۆتورلارى ولاردىڭ جۇرگىزگەن ساراپتامالارى SARS- CoV-2 كوروناۆيرۋسىنا قارسى يممۋنيتەت قالىپتاستىرۋدى ءتۇسىنۋ ءۇشىن ماڭىزدى دۇنيە بولاتىنىن اتاپ ءوتتى.