ترامپ الەۋمەتتىك جەلىلەردىڭ قىزمەتىن رەتتەيتىن جارلىققا قول قويدى
جارلىققا قول قويماس بۇرىن اقۇيدە سويلەگەن ترامپ، بۇل قادام «ءسوز بوستاندىعىن ءوزى تاپ بولعان امەريكا تاريحىنداعى ەڭ قاۋىپتى قاۋىپتەردىڭ بىرىنەن قورعاۋى تيىستىگىن» مالىمدەدى. ترامپتىڭ ايتۋىنشا، الەۋمەتتىك جەلىلەردىڭ مونوپوليالارى امەريكا قۇراما شتاتتارىنداعى قوعامدىق جانە جەكە كوممۋنيكاتسيالاردىڭ باسىم بولىگىن باسقارادى. سونداي- اق الەۋمەتتىك جەلىلەر جەكە ادامدار مەن كەڭ اۋديتوريا اراسىنداعى بايلانىستىڭ كەز كەلگەن ءتۇرىن سەنزۋراعا تەكسەرىپ، شەكتەپ، رەداكتسيالاپ جانە وزگەرتە الاتىنداي باقىلاۋسىز بيلىككە يە ەكەنىن اتاپ ءوتتى.
جارلىقتىڭ ءماتىنى «كوممۋنيكاتسيا ءتارتىبى تۋرالى» زاڭ رەتىندە بەلگىلى زاڭعا باعىتتالعان. وسى زاڭنىڭ 230-تاراۋى وزدەرىنىڭ جەكە پلاتفورمالارىن باقىلايتىن جانە باسقاراتىن ۆەب- سايتتارعا يممۋنيتەتى مىقتى جانە بۇرىن- سوڭدى بولماعان قورعاۋدى قامتاماسىز ەتەدى. بۇل الەۋمەتتىك جەلىلەر بەيتاراپ پلاتفورما بولىپ تابىلادى دەگەن تەورياعا نەگىزدەلگەن.