تالدىقورعاندىق اسكەريلەر دەزينفەكسيالاۋ جۇمىستارىن قايتا قولعا الدى

None
None
نۇر- سۇلتان. قازاقپارات – قورعانىس مينيسترلىگىنىڭ نۇسقاۋىمەن بۇگىننەن باستاپ ەلىمىزدەگى ءبىرقاتار قالالاردا دەزينفەكسيالاۋ شاراسى قايتادان قولعا الىندى، دەپ حابارلايدى «حابار 24».

مۇنداي جۇمىستار كارانتين جاعدايىنداعى تالدىقورعاندا دا قىزۋ ءجۇرىپ جاتىر. الماتى وبلىسىنىڭ ورتالىعىندا كوروناۆيرۋس ينفەكسياسىن جۇقتىرعان ادامدار سانى قازىر 69-عا جەتتى. تالدىقورعاندا 800-گە جۋىق كوپ قاباتتى تۇرعىن ءۇي بار. ولاردىڭ بارلىعى ناتريي گيپوحلوريتىمەن زارارسىزداندىرىلادى.

بۇل جۇمىستارعا تالدىقورعان اسكەري گارنيزونىنىڭ 45 قىزمەتشىسى مەن ەكى تەحنيكاسى جۇمىلدىرىلدى. كوممۋنالدىق كاسىپورىندار 5 ارنايى تەحنيكا بەردى. تالدىقورعانداعى جاپپاي زارارسىزداندىرۋ شاراسى 14 كۇننىڭ ىشىندە اياقتالۋى ءتيىس.

سەرجان قۇرمانباي، قالالىق تۇرعىن ءۇي ينسپەكسياسى ءبولىمىنىڭ باسشىسى:

- بۇعان دەيىن اسكەري قىزمەتكەرلەرمەن بىرلەسىپ، ءۇش رەت دەزينفەكسيا جۇمىستارى جاسالىنعان. قازىرگى تاڭدا سول جۇمىس جانداندىرىپ، جالعاسىن تابۋدا. 28 - مامىر كۇنىنە بىزگە «9-الاڭ» مەن «شىعىس» شاعىن اۋدانىنىڭ كوپ قاباتتى تۇرعىن ۇيلەرىن دەزينفەكسيالاۋ جوسپارلانعان.

رامازان باعاناليەۆ، 18404 اسكەري ءبولىمىنىڭ قىزمەتكەرى، لەيتەنانت:

- اسكەري ءبولىم كومانديرىنىڭ شەشىمىمەن بۇگىننەن باستاپ تالدىقورعان قالاسىن زارارسىزداندىرۋعا كىرىستىك. تۇسكە دەيىن 39 ءۇيدى جانە كىرەبەرىستەردى بىتىردىك. تۇستەن كەيىنگى جوسپار بويىنشا 40 ءۇيدى ءبىتىرۋىمىز ءتيىس.

سوڭعى جاڭالىقتار