تالعات قاليەۆ قولدانبالى ەتنوساياسي زەرتتەۋلەر ينستيتۋتىنىڭ ديرەكتورى بولىپ تاعايىندالدى

نۇر- سۇلتان. قازاقپارات – ق ر اقپارات جانە قوعامدىق دامۋ ءمينيسترىنىڭ بۇيرىعىمەن تالعات بەگىم ۇلى قاليەۆ «قولدانبالى ەتنوساياسي زەرتتەۋلەر ينستيتۋتى» ج ش س ديرەكتورى بولىپ تاعايىندالدى، دەپ حابارلايدى قازاقپارات اتالمىش ۆەدوموستۆونىڭ باسپا ءسوز قىزمەتىنە سىلتەمە جاساپ.

تالعات قاليەۆ 1973 -جىلى س ق و، اقجار اۋدانى، بوستاندىق اۋىلىندا دۇنيەگە كەلگەن. ش. ءۋاليحانوۆ اتىنداعى كوكشەتاۋ مەملەكەتتىك ۋنيۆەرسيتەتىن ءتامامداعان.

ەڭبەك جولىن 1997 -جىلى «بوستاندىق» مەكەمەسىندە قاۋىپسىزدىك تەحنيكاسى بويىنشا ينجەنەر بولىپ باستاعان. 2000-2004 ج ج. «نوۆوە پوكولەنيە» ج ش س- ندە گازەتتىڭ مەنشىكتى ءتىلشىسى، تىلشىلەر ءبولىمىنىڭ باستىعى، باس رەداكتوردىڭ ورىنباسارى بولىپ جۇمىس ىستەدى. 2004-2006 ج ج. «قازاقستان» ر ت ر ك» ا ق - «استانا» تەلەراديو ورتالىعى اقپاراتتىق- ساراپتامالىق باعدارلامالار ديرەكسياسىن، «كازترانسويل» ا ق باسپا ءسوز قىزمەتىن باسقاردى.

2006-2007 ج ج. - «نوۆوە پوكولەنيە» ج ش س باس رەداكتورىنىڭ ورىنباسارى بولىپ قىزمەت اتقاردى. 2007-2008 ج ج. – ق ر س ءى م حالىقارالىق اقپارات كوميتەتى ءتوراعاسىنىڭ ورىنباسارى بولدى.

2008-جىلدان باستاپ قازاقستان رەسپۋبليكاسىنىڭ ءازىربايجان رەسپۋبليكاسىنداعى ەلشىلىگىندە كەڭەسشى، 2008-2009 ج ج. - «نۇر وتان» ح د پ ءتوراعاسىنىڭ ءبىرىنشى ورىنباسارىنىڭ كەڭەسشىسى بولىپ جۇمىس ىستەدى. 2009-2017 ج ج. «ەۋرازيالىق پەرسپەكتيۆالىق پروبلەمالاردى زەرتتەۋ ورتالىعى» ج ش س- ءىن باسقاردى. 2017-2019 ج ج. «جاستار« ع ز ي» ج ش س- ءنىڭ ديرەكتورى بولدى.

2019-2020 -جىلدارى قازاقستان رەسپۋبليكاسى پرەزيدەنتىنىڭ جانىنداعى «ورتالىق كوممۋنيكاتسيالار قىزمەتى» رەسپۋبليكالىق مەملەكەتتىك مەكەمەسىن باسقاردى. 27 - مامىردان باستاپ - «قولدانبالى ەتنوساياسي زەرتتەۋلەر ينستيتۋتى» ج ش س ديرەكتورى بولىپ تاعايىندالدى.