قاسىم-جومارت توقايەۆ نۇرلان ەرمەكبايەۆتى قابىلدادى
بۇل تۋرالى اقوردانىڭ باسپا ءسوز قىزمەتى حابارلادى. قورعانىس ءمينيسترى مەملەكەت باسشىسىنا قازىرگى ۋاقىتتاعى سىن-قاتەرلەردى ەسكەرە وتىرىپ، قارۋلى كۇشتەردىڭ جاڭا كەلبەتىن قالىپتاستىرۋ، ءتۇرلى تابيعي جانە تەحنوگەندىك توتەنشە جاعدايلاردى جويۋ كەزىندە اسكەري قىزمەتشىلەردى جۇمىلدىرۋ مۇمكىندىگى مەن قاجەتتىگى جايىندا مالىمەت بەردى.
سونىمەن قاتار قاسىم- جومارت توقايەۆ نۇرلان ەرمەكبايەۆتىڭ اسكەري بولىمشەلەردىڭ دايىندىعى، مەملەكەتتىك قورعانىس سالاسىنداعى تاپسىرىس ماسەلەلەرى، بيۋدجەت مۇمكىندىكتەرىن ەسكەرە وتىرىپ، اسكەري تەحنيكامەن جابدىقتاۋ، قورعانىس مينيسترلىگىن اۆتوماتتاندىرۋ جانە سيفرلاندىرۋ جونىندەگى ەسەبىن تىڭدادى.
جوعارعى باس قولباسشى ەلىمىزدىڭ قورعانىس قابىلەتىن كۇشەيتۋدى، قارۋلى كۇشتەردىڭ جابدىقتالۋىن جاقسارتۋدى، شىعىنداردى وڭتايلاندىرۋدى، اسكەري قىزمەتشىلەردىڭ ءبىلىم دەڭگەيىن كوتەرىپ، بىلىكتىلىگىن ارتتىرۋ مۇمكىندىكتەرىن پىسىقتاۋدى تاپسىردى.