ۇلتتىق تابيعي پاركتەردەگى تۋريزم: مينيسترلىك ينۆەستورلار ىزدەستىرۋدە

None
None
نۇر-سۇلتان. قازاقپارات - ۇلتتىق تابيعي پاركتەردە تۋريزمدى دامىتۋ ءۇشىن ينۆەستورلار ىزدەستىرىلىپ جاتىر.

بۇل تۋرالى ق ر مادەنيەت جانە سپورت مينيسترلىگى تۋريزم يندۋسترياسى كوميتەتىنىڭ ءتوراعاسى داستان رىسبەكوۆ ايتتى، دەپ حابارلايدى قازاقپارات ءتىلشىسى.

«ەكولوگيا مينيسترلىگىمەن بىرلەسىپ جۇزەگە اسىرىپ جاتقان تاعى ءبىر باعىت - ۇلتتىق تابيعي پاركتەردە تۋريزمدى دامىتۋ. ماسەلەن، «ىلە-الاتاۋى» مەملەكەتتىك ۇلتتىق تابيعي پاركىندە ەكولوگيالىق ءتۋريزمدى دامىتۋ ءۇشىن «قۇلتاۋ» ج ش س جەكە ينۆەستورى انىقتالدى. 7 ۆيزيت- ورتالىق، 156 شاقىرىم جاياۋ جۇرگىنشى سوقپاعى، اۆتوكولىكتەرگە ارنالعان 2 مىڭ تۇراق ورنى، گلەمپينگ، كەمپينگ، شامامەن 3 مىڭ ورىنعا ارنالعان پالاتالىق لاگەر سالۋ جوسپارلانعان. ينۆەستيتسيانىڭ جالپى كولەمى شامامەن 17,3 ميلليارد تەڭگەنى قۇرايدى»، - دەدى داستان رىسبەكوۆ ورتالىق كوممۋنيكاتسيالار قىزمەتىندەگى بريفينگ بارىسىندا.

ونىڭ ايتۋىنشا، مۇنان بولەك، «التىن ەمەل»، «كولساي كولدەرى» جانە «شارىن» مەملەكەتتىك ۇلتتىق تابيعي پاركتەرىن دامىتۋ بويىنشا جوسپار ازىرلەنگەن. بۇل پاركتەردى دە دامىتۋعا جەكە ينۆەستورلار تارتىلاتىن بولادى. قازىرگى ۋاقىتتا الەۋەتتى ينۆەستورلاردى ىزدەۋ جۇمىستارى جۇرگىزىلىپ جاتىر.

«تاياۋ كەلەشەكتە ءدال وسىنداي كونكۋرستىق پروتسەدۋرالاردى اتالعان ۇلتتىق تابيعي پاركتەرگە قاتىستى وتكىزۋ جوسپارلانىپ وتىر»، - دەدى ول.

سوڭعى جاڭالىقتار