پاندەميا باستالعالى الەمدە ءاربىر التىنشى جاس مامان جۇمىسىنان ايىرىلعان

None
None
نۇر-سۇلتان. قازاقپارات - پاندەميا باستالعالى بەرى الەمدە ءاربىر التىنشى جاس مامان جۇمىسىنان ايىرىلعان، ال قالعانىنىڭ جۇمىس كۇنى ورتاشا ەسەپپەن %23 عا قىسقارعان.

بۇل تۋرالى حالىقارالىق ەڭبەك ۇيىمىنىڭ (ح ە ۇ) جاڭا زەرتتەۋىندە ايتىلعان، دەپ حابارلايدى قازاقپارات ب ۇ ۇ جاڭالىقتار ورتالىعىنا سىلتەمە جاساپ. ح ە ۇ-نىڭ باس ديرەكتورى گاي رايدەر ەل ۇكىمەتتەرىن ەكونوميكانى قالپىنا كەلتىرۋ جانە ادامداردى جۇمىس ورنىنا قايتارۋ ءۇشىن شۇعىل شارالار قابىلداۋعا شاقىردى.

باسقالارعا قاراعاندا، سولتۇستىك جانە وڭتۇستىك امەريكانىڭ، سونىمەن قاتار ەۋروپا جانە ورتالىق ازيا ەلدەرىنىڭ تۇرعىندارى كوپ زارداپ شەككەن. سونداي-اق، جاستار اراسىندا وزدەرىنىڭ وسال توپتارى بار: ايەلدەر ەرلەرگە قاراعاندا جۇمىس ورىندارىن كوپ «جوعالتادى».

كوپتەگەن ەلدە ولار ەكونوميكانىڭ بەيرەسمي سەكتورىندا جۇمىس ىستەيدى. مىسالى، كۇتۋشى نەمەسە ءۇي كومەكشىسى جانە ت. ب. وقشاۋلاۋ رەجيمىنىڭ ەنگىزىلۋىنە بايلانىستى ولاردىڭ كوپشىلىگى جۇمىسىنان ايىرىلدى. پاندەمياعا دەيىن دە بۇكىل الەم بويىنشا جاستار اراسىنداعى جۇمىسسىزدىق دەڭگەيى جوعارى بولدى.

بۇل كورسەتكىشتەر ءتىپتى 2008 -جىلعى قارجىلىق داعدارىسى كەزەڭىندەگىدەن دە ناشار، ول %13,6 دى قۇرايدى، ياعني 267 ميلليون جاس جۇمىسسىز جانە وقىماعان. قازىر جاعداي ءتىپتى تومەندەدى.

سوڭعى جاڭالىقتار