ەلوردادا الەۋمەتتىك ءالسىز ساناتتاعى وتباسىلاردىڭ بالالارىنا قانداي كومەك كورسەتىلەدى
باسقارما وكىلىنىڭ ايتۋىنشا بالالاردىڭ جۇمىسقا جەگىلۋىن بولدىرماۋ ءۇشىن مەملەكەتتىك ورگاندار اتا-انالارمەن ءتۇسىندىرۋ جۇمىستارىن جۇرگىزەدى. جاسوسپىرىمدەردىڭ قۇقىعىن قورعاۋ باعىتىندا مەملەكەتتىك الەۋمەتتىك تاپسىرىس تا قاراستىرىلعان.
«مەملەكەتتىك تاپسىرىس اياسىندا سونداي- اق بالالاردىڭ قىلمىسىنىڭ الدىن الۋعا باعىتتالعان اقپاراتتىق ماتەريالدار مەن ۆيدەوروليكتەر ازىرلەنىپ، جەدەل شارالار ۇيىمداستىرىلادى. بالالار مەن اتا- انالاردىڭ قاتىسۋىمەن شارالار وتكىزىلەدى. قامقورشىلىق ورگاندارى اتا- انانىڭ قاراۋىنسىز قالعان نەمەسە باقىلاۋسىز كەتكەن بالالاردى انىقتايدى. وسى ماقساتتا ءار مەكتەپتە الەۋمەتتىك پاسپورت تولتىرىلادى. مۇعالىمدەر ءوز كەزەگىندە بالالارى ەڭبەككە تارتىلۋى مۇمكىن وتباسىلاردىڭ ءتىزىمىن بەرەدى»، - دەدى سپيكەر.
سونىمەن قاتار، ورتا ءبىلىم بەرۋ باعدارلاماسى اياسىندا الەۋمەتتىك تۇرعىدان از قامتىلعان وتباسىلاردىڭ بالالارىنا كومەك كورسەتىلەدى.
«الەۋمەتتىك سەبەپتەرمەن بالالاردىڭ وقۋعا بارماۋىن بولدىرماۋ ءۇشىن جالپى ورتا ءبىلىم بەرۋ اياسىندا الەۋمەتتىك ءالسىز ساناتتاعى بالالارعا كومەك كورسەتىلەدى. 2019-2020 وقۋ جىلىندا باعدارلاما بويىنشا كومەك 12690 بالا الدى (ءار بالاعا 30 مىڭ تەڭگە كولەمىندە سەرتيفيكات بەرىلگەن). سونداي-اق، جىل بويى ءبىز بالالارعا «مەكتەپكە جول» اكسياسى اياسىندا كومەك كورسەتەمىز. 2019 -جىلى اكسيانىڭ كومەگىمەن 11 مىڭنان استام بالا قامتىلدى. وسى جىلدىڭ باسىنان باستاپ 2 مىڭنان استام بالا كومەك الدى. بالالارعا ۋاقتىلى كومەك كورسەتۋ ءۇشىن نۇر-سۇلتاندا قيىن ومىرلىك جاعدايداعى بالالاردى قولداۋ ورتالىعى جۇمىس جاسايدى. قالادا كامەلەتكە تولماعانداردىڭ بوس ۋاقىتىن ۇيىمداستىرۋ ماقساتىندا 11 قوسىمشا ءبىلىم بەرۋ مەكەمەسى بار، 136 فيليال جۇمىس ىستەيدى»، - دەيدى ول.