قۇقىق قورعاۋ قىزمەتىنە كىرۋ ءتارتىبى وزگەردى
جاڭا ەنگىزىلىمدەر قۇقىق قورعاۋ قىزمەتىنە قاتارداعى، كىشى جانە ورتا باسشى قۇرام لاۋازىمدارىنا ءبىرىنشى رەت قابىلداناتىن ادامدارعا قاتىستى. قازاقستان رەسپۋبليكاسى پرەزيدەنتىنىڭ 2020 -جىلعى 13-مامىرداعى جارلىعىمەن باس پروكۋراتۋرانىڭ جانىنداعى قۇقىق قورعاۋ ورگاندارى اكادەمياسىنا اتالعان كاسىپتىك دايارلىقتى وتكىزۋ جونىندەگى فۋنكسيالار جۇكتەلگەن.
پروكۋراتۋرا ورگاندارىنا قىزمەتكە كىرۋ ءۇشىن وقۋ مەرزىمى 1 جىل، سىبايلاس جەمقورلىققا قارسى قىزمەت جانە ەكونوميكالىق تەرگەۋ قىزمەتىنە 6 ايدى قۇرايدى.
جوعارى زاڭگەرلىك ءبىلىمى بار وتىز بەس جاستان اسپاعان ۇمىتكەرلەر قابىلداناتىن بولادى. بارلىق تۇسكەندەر مەملەكەت ەسەبىنەن ستيپەنديامەن، تاماقپەن جانە تۇراتىن ورىنمەن قامتاماسىز ەتىلەدى. وقۋعا ءتۇسۋ ءۇشىن الدىن الا مەملەكەتتىك قىزمەت ىستەرى اگەنتتىگىندە تەستىلەۋدەن (قۇقىق قورعاۋ قىزمەتىنە كىرۋ ءۇشىن)، اسكەري- دارىگەرلىك كوميسسيالاردا مەديتسينالىق جانە پسيحوفيزيولوگيالىق كۋالاندىرۋدان جانە پوليگرافولوگيالىق زەرتتەۋدەن، سونداي-اق اكادەميادا ىرىكتەۋدەن ءوتۋ قاجەت. باستاپقى كاسىپتىك دايارلىققا ءتۇسۋ، اكادەمياعا ىرىكتەۋ ءتارتىبى مەن مەرزىمدەرى تۋرالى تولىق اقپارات قۇقىق قورعاۋ ورگاندارىنىڭ جانە اكادەميانىڭ ۆەدومستۆولىق سايتتارىندا قوسىمشا جاريالاناتىن بولادى.