ۇلتتىق كينونى قولداۋ مەملەكەتتىك ورتالىعىنىڭ باسشىسى تەرگەۋگە الىندى
بۇل تۋرالى ق ر سىبايلاس جەمقورلىققا قارسى ءىس-قيمىل اگەنتتىگى 1-دەپارتامەنتىنىڭ اسا ماڭىزدى ىستەر جونىندەگى تەرگەۋشىسى دانيار بيعايداروۆ ايتتى، دەپ حابارلايدى قازاقپارات ءتىلشىسى.
«سىبايلاس جەمقورلىققا قارسى قىزمەت مەملەكەتتىك بيۋدجەتتەن قارجى بولۋگە، ورىندالعان جۇمىستاردىڭ (كورسەتىلگەن قىزمەت) اكتىلەرىنە قول قويۋعا كومەكتەسكەنى ءۇشىن اسا ءىرى مولشەردە پارا الۋ فاكتىسى بويىنشا، سونداي-اق جالپى قامقورلىعى پەن سالعىرتتىعى ءۇشىن «ۇلتتىق كينونى قولداۋ مەملەكەتتىك ورتالىعى» ك ە ا ق باسقارما ءتوراعاسىنا قاتىستى سوتقا دەيىنگى تەرگەۋ جۇرگىزۋدە»، - دەدى ول اگەنتتىك الاڭىندا وتكەن ونلاين بريفينگ بارىسىندا.
ونىڭ اتاپ وتۋىنشە، كۇدىكتى كىناسىنىڭ دەڭگەيى تۋرالى تۇپكىلىكتى شەشىمدى سوت شىعارادى. «تەرگەۋ مۇددەلەرى ءۇشىن باسقا اقپارات جاريا ەتۋگە جاتپايدى»، - دەدى دانيار بيعايداروۆ.
اۆتور: مارلان جيەمباي