ءبىرىنشى سىنىپقا باراتىن بالا تەست تاپسىرا ما

الماتى. قازاقپارات – ق ر ب ع م ءبىلىم جانە عىلىم سالاسىندا ساپانى قامتاماسىز ەتۋ كوميتەتى الماتى قالالىق دەپارتامەنتىنىڭ باسشىسى گۇلنار ەرمەكبايەۆا ونلاين-بريفينگ بارىسىندا 1-سىنىپقا باراتىن بالالار ەشقانداي تەست تاپسىرمايتىنىن جەتكىزدى، دەپ حابارلايدى قازاقپارات ءتىلشىسى.

«بالالارى ءبىرىنشى سىنىپقا باراتىن اتا- انالارعا ايتارىم، 1-سىنىپقا باراتىن بالالاردى تەستىلەۋدەن وتكىزۋگە بىردە- ءبىر مەكتەپتىڭ قۇقىعى جوق. ولار ءبارىن قابىلداۋعا مىندەتتى. بيىل ءوتىنىم ەلەكتروندى تۇردە eGov ارقىلى بەرىلەدى. ەگەر مۇنداي جاعدايلار بولسا، بىزگە حابارلاسىڭىز. بىزدە سايت جانە Call-ورتالىق بار. مەكتەپ تابالدىرىعىن اتتاعالى تۇرعان بالانى تەستەن وتكىزۋگە ەشكىمنىڭ قۇقىعى جوق»، - دەدى گۇلنار ەرمەكبايەۆا.

سونىمەن قاتار، ول بارلىق بالالاردى 1-ماۋسىم - حالىقارالىق بالالاردى قورعاۋ كۇنىمەن قۇتتىقتادى. بۇعان دەيىن، دەپارتامەنت باسشىسى الماتىدا جازعى مەكتەپ ۇيىمداستىرۋ جوسپارلانىپ وتىرعانىن ايتقان بولاتىن. ەسكە سالايىق، بيىل 1-سىنىپقا قابىلداۋ، مەكتەپتەن مەكتەپكە، سىنىپتان سىنىپقا اۋىستىرۋعا قۇجاتتار egov.kz پورتالى ارقىلى قابىلدانادى. قابىلداۋ مەرزىمى – 1-ماۋسىم – 30-تامىز ارالىعى. بۇل رەتتە، 1-سىنىپقا باراتىن وقۋشىنىڭ اتا-اناسىنان (زاڭدى وكىلدەرىنەن) 4 قۇجات قانا سۇرالادى: - ءوتىنىش (ەركىن تۇردە)؛ - بالانىڭ تۋۋ تۋرالى كۋالىگىنىڭ كوشىرمەسى؛ - بالا دەنساۋلىعى تۋرالى انىقتاما (مەديتسينالىق پاسپورت)؛ - 3x4 كولەمىندەگى ەكى فوتو تاپسىرىلادى.