جاڭا زاڭنامالىق نورمالار پارلامەنتتىك وپپوزيتسياعا كەپىلدىك بەرەدى - ماۋلەن اشىمبايەۆ
«پرەزيدەنت ۇلتتىق قوعامدىق سەنىم كەڭەسىنىڭ ەكىنشى وتىرىسىندا ءبىرقاتار ساياسي رەفورمالار ۇسىنعانىن بىلەسىزدەر. بۇگىن ءبىز سونىڭ اياسىندا ازىرلەنگەن ماڭىزدى ەكى زاڭ جوباسىن قابىلداپ وتىرمىز. سوعان سايكەس، ەلىمىزدە دەموكراتيالىق ۇردىستەردى ارى قاراي دامىتۋ ماقساتىندا - قولدانىستاعى زاڭناماعا «پارلامەنتتىك كوپشىلىك» جانە «پارلامەنتتىك وپپوزيتسيا» ۇعىمدارى كىرگىزىلىپ وتىر»، - دەپ توقتالدى م. اشىمبايەۆ سەناتتىڭ جالپى وتىرىسىندا.
وسى ورايدا ول زاڭنامالىق نورمالار پارلامەنتتىك وپپوزيتسياعا كەپىلدىك بەرەتىنىن اتاپ ءوتتى.
«زاڭمەن ماجىلىسكە سايلاناتىن پارلامەنتتىك وپپوزيتسيانىڭ وكىلەتتىكتەرى جانە ولاردىڭ جۇمىسىن قامتاماسىز ەتۋ تەتىكتەرى ناقتى ايقىندالدى. مەملەكەت باسشىسىنىڭ ۇسىنىسىمەن قابىلدانعان جاڭا زاڭنامالىق نورمالار ەلىمىزدە پارلامەنتتىك وپپوزيتسياعا كەپىلدىك بەرەدى، سونداي- اق قازاقستانداعى كاسىبي پارلامەنتاريزمنىڭ جاڭا كەزەڭىنە جول اشادى دەپ سەنەمىز»، - دەدى سەنات ءتوراعاسى.
بۇدان بۇرىن حابارلانعانداي، بۇگىن سەناتىڭ جالپى وتىرىسىندا «ق ر پارلامەنتى جانە ونىڭ دەپۋتاتتارىنىڭ مارتەبەسى تۋرالى» كونستيتۋتسيالىق زاڭىنا تولىقتىرۋلار ەنگىزۋ تۋرالى» كونستيتۋتسيالىق زاڭى، سونداي- اق «ق ر پارلامەنتىنىڭ كوميتەتتەرى مەن كوميسسيالارى تۋرالى» زاڭىنا پارلامەنتتىك وپپوزيتسيا ماسەلەلەرى بويىنشا وزگەرىس پەن تولىقتىرۋلار ەنگىزۋ تۋرالى» زاڭى قابىلداندى.