گونكونگتا حالىق جاڭا زاڭدارعا قارسى ەرەۋىلدەتتى
جۇرتتىڭ جاپپاي باس كوتەرۋىنە قىتاي قاراستىرعان جاڭا زاڭ سەبەپ بولدى. ەرەۋىل كەزىندە 180 ادام تۇتقىندالدى. زارداپ شەككەندەر دە بار. پاندەميا سالدارىنان ەكى ايعا سوزىلعان كوشەدەگى تىنىشتىق ەندى وسىنداي ايقاي- شۋعا ۇلاستى. جەرگىلىكتى تۇرعىندار قىتاي بيلىگى قاراستىرعان «گونكونگتاعى ۇلتتىق قاۋىپسىزدىك» جانە «ق ح ر ءان ۇرانىنا قۇرمەت» اتتى جاڭا زاڭدارعا قارسى. ياعني، ەندى اكىمشىلىك ايماقتا بۇلىك شىعارعاندار جازالانىپ، ءان ۇراننىڭ ءسوزىن وزگەرتىپ نەمەسە قاتە ايتقاندارعا ايىپ تاعىلۋى مۇمكىن. نارازى جۇرت كوشەگە شىقتى. ەرەۋىل سوڭى قاقتىعىسقا ۇلاسقان. ءتارتىپ ساقشىلارى ولاردى تارقاتۋ ءۇشىن كوز جاساۋراتاتىن گاز قولداندى. سالدارىنان 6 ەرەۋىلشى مەن ءتورت پوليتسيا قىزمەتكەرى جارقاتتاندى. 180 ادام تۇتقىندالدى.
كالۆين حو، گونكونگتاعى دەموكراتيا قاۋىمداستىعىنىڭ ۆيتسە- ءتوراعاسى:
- نەگىزگى زاڭدا جازىلعانداي، گونكونگقا دەموكراتيا مەن ەركىندىك كەرەك. ءبىراق قىتايعا وتكەلى 20 جىل بولدى، بۇل سالادا العا جىلجىمادىق. ەندى وزدەرىنىڭ جاڭا زاڭدارىن تىقپالاپ الەك. ءبىز ءوز قۇقىعىمىزدى جانە گونكونگتى قورعايمىز. گونكونگ قىتايعا اينالماۋى ءتيىس. بۇل جاڭالىق جاھانعا تارادى.
ا ق ش قۇر قالمادى. پىكىر ءبىلدىردى. اق ءۇي باسشىسى وسى اپتادا قىتايعا ەسكەرتۋ جاساماق. دونالد ترامپ گونكونگتىڭ ىشكى جاعدايىنا ارالاسقان ءۇشىن بەيجىڭگە ايىپ تاعىپ وتىر.
دونالد ترامپ، ا ق ش پرەزيدەنتى:
- الداعى ءبىر- ەكى كۇندە گونگونگ اۆتونومياسىنا كەدەرگى جاساعان ءۇشىن قىتايعا جاۋاپ قاتامىز. ونىڭ اسەرى مىقتى بولادى. بۇل عانا ەمەس. ەۋروپالىق وداق ەلدەرى دە مالىمدەمە جاسادى. حالىقارالىق ۇيىم قىتاي تاراپى گونكونگ اۆتونومياسىن قۇرمەتتەۋى كەرەك دەپ وتىر. ءبىراق تا، مۇنى ەلەگەن بەيجىڭ جوق. كەرىسىنشە .. .
جاو ليدجيان، قىتاي س ءى م وكىلى:
- گونكونگ قىتايدىڭ ەرەكشە اكىمشىلىك ايماعى سانالادى. ونداعى ۇلتتىق قاۋىپسىزدىكتى قامتاماسىز ەتۋ ورتالىق ۇكىمەتتىڭ مىندەتى. گونكونگقا قاتىستى زاڭ جوبالارى قىتايدىڭ ىشكى تىرلىگى. سوندىقتان شەت ەلدەردىڭ ارالاسۋلارى ورىنسىز. گونكونگقا قاتىستى كەز كەلگەن وزگە ەلدىڭ قادامىنا قاتاڭ جاۋاپ بەرەمىز. گونكونگتاعى ەرەۋىل ۇدەمەسە، باسىلار ەمەس. پاندەمياعا دەيىنگى قاقتىعىستاردى ەسكە الساق، كوتەرىلىستەردىڭ ۇزاققا سوزىلار ءتۇرى بار. قىتاي بولسا، سەگىز ادامنان كوپ جينالۋعا تىيىم سالىنعان اكىمشىلىك ايماقتىڭ ەرەۋىلشىلەرىن جازالايمىز دەپ وتىر.
www.24.kz