قاسىم- جومارت توقايەۆ: قازاق ءتىلىن وقىتۋ ساپاسىن ارتتىرۋعا ەرەكشە كوڭىل ءبولۋ قاجەت

None
None
نۇر- سۇلتان. قازاقپارات - قازاق ءتىلىن وقىتۋ ساپاسىن ارتتىرۋعا ەرەكشە كوڭىل ءبولۋ قاجەت. بۇل تۋرالى بۇگىن مەملەكەت باسىشىسى قاسىم- جومارت توقايەۆ ءوزىنىڭ Twitter- دەگى پاراقشاسىندا جازدى، دەپ حابارلايدى قازاقپارات.

«ۇلتتىق قوعامدىق سەنىم كەڭەسىنىڭ وتىرىسىنا قاتىستىم. ادامي كاپيتالدى قالىپتاستىرۋ ماقساتىندا ءبىلىم، عىلىم جانە دەنساۋلىق ساقتاۋ سالالارىن دامىتۋ ماسەلەسىن تالقىلادىق. بۇل سالالارعا قازىرگى زامان تالابىنا ساي تۇبەگەيلى رەفورمالار جۇرگىزۋ قاجەت»، - دەدى پرەزيدەنت.

سونداي- اق مەملەكەت باسشىسى ءبىلىم دەڭگەيىن حالىقارالىق باعالاۋ ناتيجەسى بويىنشا ارتتا قالۋىمىزعا جەتكىلىكسىز قارجىلاندىرۋ سەبەپ بولىپ وتىرعاندىعىن جەتكىزدى.

«جىلىنا ءار وقۋشىعا بولىنەتىن قارجى ءبىر مىڭ دوللارعا جەتپەيدى. رەفورمالاردىڭ جۇيەسىزدىگى دە تەرىس ىقپال ەتۋدە. مەكتەپ ينفراقۇرىلىمى زاماناۋي تالاپتارعا ساي بولۋى كەرەك. قازاق ءتىلىن وقىتۋ ساپاسىن ارتتىرۋعا ەرەكشە كوڭىل ءبولۋ قاجەت. 2021 -جىلدان باستاپ ءتىل كوميتەتى ءبىلىم جانە عىلىم مينيسترلىگىنىڭ قۇرامىندا بولادى»، - دەپ جازدى قاسىم- جومارت توقايەۆ.

سوڭعى جاڭالىقتار