وتاندىق عالىمدار كوكونىستەردى ۆيرۋسقا قارسى اقۋىزبەن بايىتۋدى قولعا الدى
ول ءۇشىن اۋىل شارۋاشىلىعى سالاسىنداعى وسىمدىك تۇرلەرىنىڭ ينفەكسياعا توزىمدىلىگى زەرتتەلگەن. ناتيجەسىندە وسكەمەندىك عالىمدار كارتوپتىڭ تابيعي دارۋمەنىن ساقتاي وتىرىپ، ەشقانداي تىڭايتقىش قوسپاستان ءتۇرلى ۆيرۋسقا توتەپ بەرە الاتىنداي قۇنارىن ارتتىرعان.
عالىمداردىڭ ايتۋىنشا، كوكونىستىڭ قۇرامىندا بيولوگيالىق وزگەرىس بولعانىمەن، ونىڭ ونىمدىلىگى مەن تامىرى ارقىلى تۇقىمعا بەرىلەتىن قورىندا ەشقانداي گمو بولمايدى. جوبانى ءبىلىم جانە عىلىم مينيسترلىگى وڭ باعالاپ، ءارى قاراي جەتىلدىرۋ ءۇشىن 60 ميلليون تەڭگە گرانت ءبولدى.
ماكسيم سۋتۋلا، گۋمانيتارلىق ۋنيۆەرسيتەتتىڭ ۇلتتىق- عىلىمي زەرتحاناسى مەڭگەرۋشىسى:
- جوبانىڭ ماقساتى - اۋىلشارۋاشىلىعى سالاسىنداعى وسىمدىكتەردىڭ تابيعي ءنارىن ساقتاي وتىرىپ، سۇرىپ ءتۇرىن ودان ارى نىعايتۋ. مەنىڭ ويىمشا، ءبىزدىڭ عىلىمي جۇمىسىمىز بۇل جوبانى جاڭا دەڭگەيگە كوتەرىپ قانا قويمايدى. بيولوگيا سالاسىنا جاڭا سەرپىن بەرەرىنە سەنەمىن.