كوروناۆيرۋس: كومادان شىققان لوندون تۇرعىنى ادام تانىماستاي وزگەرگەن

الماتى. قازاقپارات - كوروناۆيرۋس جۇقتىرعان ەر ادام ءبىر ايدان استام ۋاقىت بويى اۋرۋحانادا جاتقان. وسى ارالىقتا ول ادام تانىماستاي وزگەرگەن.

لوندون تۇرعىنى 30 كەلىدەن ارتىق سالماق تاستاعان. ۇلى بريتانيالىق كيم ۆاي لي كوروناۆيرۋس ينفەكسياسىن جۇقتىرعان. التى اپتا بويى اۋرۋمەن كۇرەسكەن ول سونىڭ ەكى اپتاسىندا جاساندى كومادا جاتقان. وسى ۋاقىتتا ول ادام تانىماستاي وزگەرىپتى، دەپ جازادى New York Post

43 جاستاعى ەر ادام ەسىن جيعان بويدا ايناعا قاراپ ءوز كوزىنە ءوزى سەنبەگەن. كيم ۆاي لي 12 ناۋرىزدا ىندەت جۇقتىرعان. اۋرۋحاناعا تۇسكەندە ونىڭ سالماعى 95 كەلى بولسا، ەكى اپتادا ول 31,5 كەلى جوعالتقان. بريتاندىقتىڭ ايتۋىنشا، وعان بۇرىنعى كيىمدەرىنىڭ بارلىعى ۇلكەن بولىپ قالعان. «ايناعا قاراپ ءوز- ءوزىمدى تانىماي قالدىم»، - دەيدى ول.

ليدىڭ سوزىنە قاراعاندا، COVID-19 جۇقتىرعانعا دەيىن اۋىر سالماقتان ونىڭ قان قىسىمى جوعارى بولعان. لوندون تۇرعىنى ەندى ونداي ماسەلەنىڭ جوقتىعىنا قۋانىشتى جانە وسى سالماعىن ساقتاپ قالماق.

www.24.kz