+7 (701) 759 90 19
26 °С : نۇر-سۇلتان
28 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

الماتىدا قايتادان كارانتين ەنگىزىلۋى مۇمكىن – ساعىنتايەۆ

27 مامىر 19:34
:ءبولىسۋ
الماتىدا قايتادان كارانتين ەنگىزىلۋى مۇمكىن – ساعىنتايەۆ

الماتى. قازاقپارات - الماتىدا قايتادان كارانتين بولۋى ابدەن مۇمكىن. بۇل تۋرالى قالا اكىمى باقىتجان ساعىنتايەۆ ونلاين بريفينگ بارىسىندا ايتتى، دەپ حابارلايدى قازاقپارات ءتىلشىسى.

«ەگەر ەپيدەميولوگيالىق احۋال ناشارلايتىن بولسا، قالا قايتادان كارانتينگە جابىلۋى ابدەن مۇمكىن. مەن الماتىلىقتارعا العىس ايتامىن. 2 اي شىداپ ۇيدە وتىرعاندارى ءۇشىن. ناۋرىزدىڭ سوڭىندا قالادا 35 مىڭ عانا كولىك جۇرگەن. ال كارانتينگە دەيىن مۇندا 500 مىڭ قالا تۇرعىنىنىڭ، 250 مىڭ وبلىس تۇرعىنىنىڭ كولىگى قالادا جۇرەتىن. ءبىراق 2 ايدا شىدام دەگەن ءبىتتى. توتەنشە جاعداي رەجيمى الىنعان سوڭ ءبارى سىرتقا شىقتى. قاراساڭىز، ءار وبلىستا كوروناۆيرۋس كورسەتكىشى ارتىپ كەلەدى. ەگەر ولاي بولاتىن بولسا، قاتاڭ كارانتين رەجيمى قايتارىلادى»، - دەدى قالا اكىمى باقىتجان ساعىنتايەۆ.

ونىڭ ايتۋىنشا، 15 - ساۋىردەن كەيىن قازاقستانعا قىتايدان دارىگەرلەر كەلگەن. شەتەلدىك ماماندار الماتى قالاسىنداعى كارانتين رەجيمىنىڭ ساقتالۋىن جوعارى باعالاعان. ناۋرىزدىڭ باسىندا ق ر د س م الماتى قالاسىندا كوروناۆيرۋس 850 ادامعا جۇعادى دەگەن بولجام ايتقان.

«ال قازىر قانشا؟ 2353 ادام. ال رەسبۋبليكا بويىنشا 9 مىڭنان استى. ەگەر، دالاعا شىعۋعا رۇقسات بەرىلسە، وندا تەك ماسكامەن شىعۋ كەرەك. قاشىقتىق ساقتاۋ كەرەك. ال بىزدە قالاي؟ ءبىر- ءبىرىن اۋىزاشارعا شاقىرىپ، سۋرەتكە ءتۇسىپ، الەۋمەتتىك جەلىگە جاريالاپ جاتىر»، - دەدى اكىم.

اۆتور: گۇلميرا عوسمانالي


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات