نۇر-سۇلتاندا سانيتارلىق نورمالاردى ساقتاماعان ءبىرقاتار نىسان جابىلدى

None
None
نۇر-سۇلتان. قازاقپارات - ەلوردا اكىمدىگىنىڭ موبيلدى توبى پوليتسەيلەر جانە ەپيدەميولوگ ماماندارمەن بىرلەسىپ، سانيتارلىق نورمالاردى بۇزعان نىسانداردى انىقتاۋ ءۇشىن كۇن سايىن رەيد جۇرگىزۋدە، دەپ حابارلايدى قازاقپارات قالا اكىمدىگىنىڭ رەسمي سايتىنا سىلتەمە جاساپ.

مامىردىڭ 21-26 ارالىعىندا 150 كاسىپورىن تەكسەرىلدى. سانيتارلىق نورمالاردى بۇزعان 12 نىسان جابىلدى. ءدامحانا، مەيرامحانا، بار، ازىق-تۇلىك دۇكەنى، سپا-سالون جانە ت. ب. «برۋنو»، «Roofork» جانە ت. ب. سياقتى ءبىرقاتار نىسانعا ايىپپۇل سالىندى.

جۇمىسىن قايتا باستاعان نىساندار سانيتايزەرلەر ورناتىپ، قىزمەتكەرلەرى مەن كەلۋشىلەرى ماسكا كيىپ، ارا قاشىقتىقتى ۇستانۋ سياقتى سانيتارلىق نورمالاردى ساقتاۋى ءتيىس.


ەسكە سالا كەتەيىك، 18-مامىردان باستاپ قوناق ءۇي كەشەندەرى، قوعامدىق تاماقتانۋ ورىندارى، ءدامحانالار، مەيرامحانالار، ءدىني قۇلشىلىق ەتۋ ورىندارى (كەلۋشىلەرى ءبىر مەزگىلدە 50 دەن اسپايتىن) جۇمىسىن قايتا باستادى. وتباسىلىق جانە باسقا دا ءىس-شارالاردى وتكىزۋگە تىيىم سالىنادى.

سانيتارلىق دارىگەردىڭ قاۋلىسىمەن COVID-19 ىندەتى تولىقتاي جويىلمايىنشا تۇنگى كلۋب، فيتنەس كلۋب، جاتتىعۋ زالدارى، سپا سالوندار، ماسساج كابينەتتەرى، كوسمەتولوگيالىق ورتالىقتار، كلينيكالار، ورتالىقتار جانە ت. ب. جۇمىسىنا تىيىم سالىندى.

بۇعان دەيىن سانيتارلىق تالاپتاردى بۇزعان 26 نىسان جابىلدى. ونىڭ ىشىندە قۇرىلىس كومپانيالارى، دۇكەندەر، ءدامحانالار مەن مەيرامحانالار بار. بۇل نىساندار سانيتارلىق- ەپيدەميولوگيالىق نورمالاردىڭ قاتاڭ ساقتالۋىن قامتاماسىز ەتپەيىنشە جابىق بولادى. 150 كاسىپورىن ەسكەرتۋ الدى. مۇنداي قاتاڭ شارالار كوروناۆيرۋستىڭ تالاۋىنا جول بەرمەۋ ءۇشىن قابىلداندى.

ايتا كەتەرلىگى، ەلوردادا ماسكا تاعۋ رەجيمى ساقتالۋدا. حالىق كوپ جۇرەتىن جەرلەر مەن قوعامدىق كولىكتەردە ماسكامەن ءجۇرۋ كەرەك.

سوڭعى جاڭالىقتار