قاسىم-جومارت توقايەۆ اۋىل مەن قالا مەديتسيناسىنداعى الشاقتىققا الاڭداۋشىلىق تانىتتى

نۇر-سۇلتان. قازاقپارات - ۇكىمەت اۋىلدىق دەنساۋلىق ساقتاۋدىڭ ءتيىمدى مودەلىن قۇرۋ بويىنشا شارالاردىڭ ورىندالۋىن قاتاڭ باقىلاۋعا الۋى ءتيىس.

بۇل تۋرالى ۇلتتىق قوعامدىق سەنىم كەڭەسىنىڭ 3-وتىرىسىندا ق ر پرەزيدەنتى قاسىم-جومارت توقايەۆ ايتتى، دەپ حابارلايدى قازاقپارات ءتىلشىسى.

«قوردالانىپ قالعان تاعى ءبىر پروبلەما - كومەك قولجەتىمدىلىگى دەڭگەيىنىڭ ءوڭىرارالىق الشاقتىعى. ينفراقۇرىلىمدىق ايىرماشىلىقتان بولەك، قالا مەن اۋىلداردا كادرلارمەن قامتاماسىز ەتۋدە ايتارلىقتاي تەڭگەرىمسىزدىك بار. تولىقتاي العاندا شارالار بار، ولار ازىرلەنگەن. ەندى ولاردى جۇزەگە اسىرۋ ماڭىزدى. ۇكىمەت اۋىلدىق دەنساۋلىق ساقتاۋدىڭ ءتيىمدى مودەلىن قۇرۋ بويىنشا شارالاردىڭ ورىندالۋىن قاتاڭ باقىلاۋعا الۋى ءتيىس»، - دەدى مەملەكەت باسشىسى.

ق ر پرەزيدەنتى دەنساۋلىق ساقتاۋ سالاسىندا سيفرلاندىرۋ پروتسەستەرىن جەدەلدەتۋ جانە تيىمدىلىگىن ارتتىرۋ قاجەتتىگىنە دە باسا نازار اۋدارتتى.

«مەديتسينالىق قۇجاتتاردى قاعازسىز جۇرگىزۋدى ەنگىزۋ قاجەت. دەنساۋلىق ساقتاۋدى دامىتۋدىڭ مەملەكەتتىك باعدارلاماسى اياسىندا دەنساۋلىق ساقتاۋدىڭ ءبىرىڭعاي سيفرلىق كەڭىستىگىن قۇرۋ جوسپارلانعان. مەديتسينالىق ۇيىمداردىڭ 90 پايىزى پلاتفورماعا ىقپالداستىرىلاتىن بولادى. ە لەكتروندى دەنساۋلىق ءتولقۇجاتى ەنگىزىلدى. مەديتسينالىق اقپاراتتاردى ساقتاۋدىڭ ءبىرىڭعاي بازاسى قۇرىلدى. بۇل - جۇمىس جوسپارى دەسەك تە بولادى. ءبىراق، ونى ءسوزسىز جۇزەگە اسىرۋ قاجەت. دەنساۋلىق ساقتاۋ جۇيەسىنە بىلىكتى ءىت- مامانداردى تارتۋ، وتاندىق ازىرلەمە جاساۋشىلاردىڭ الەۋەتىن مەديتسينالىق اقپاراتتىق جۇيەگە جۇمىلدىرۋ ماڭىزدى»، - دەپ اتاپ ءوتتى قاسىم-جومارت توقايەۆ.

اۆتور: مارلان جيەمباي