پەداگوگتاردى بەدەلدى، تانىمال تۇلعالارعا اينالدىرۋ كەرەك - مەملەكەت باسشىسى

نۇر-سۇلتان. قازاقپارات – ق ر پرەزيدەنتى قاسىم-جومارت توقايەۆ مۇعالىمدەر مەن وقىتۋشىلاردىڭ قوعامداعى بەدەلىن ارتتىرۋدى تاپسىردى، دەپ حابارلايدى قازاقپارات ءتىلشىسى.

«پەداگوگتاردىڭ مارتەبەسىنە قولداۋ كورسەتۋ قاجەت. ولاردى قوعامداعى بەدەلدى، تانىمال تۇلعالارعا اينالدىرۋ كەرەك. ءبىز ولارعا ارنايى مەدال تاعايىندايمىز. بۇل - پەداگوگتاردىڭ ەڭبەگىنە ارنالعان مەملەكەتتىك ماراپات»، - دەدى مەملەكەت باسشىسى ۇلتتىق قوعامدىق سەنىم كەڭەسىنىڭ ونلاين فورماتتاعى 3-وتىرىسىندا.

سونىمەن بىرگە، پرەزيدەنت ءبىلىم، دەنساۋلىق ساقتاۋ جانە الەۋمەتتىك سالادا جەمىستى ەڭبەك ەتكەندەرگە جاڭا «حالىق العىسى» مەدالى بەرىلەتىنىن ەسكە سالدى.

«مەنىڭ تاپسىرماممەن الداعى ءتورت جىلدا مۇعالىمدەرگە تولەنەتىن جالاقىنى ەكى ەسە ارتتىرۋ قاراستىرىلعان. ودان بولەك، ءبىلىم ساپاسىن قامتاماسىز ەتۋ وتە ماڭىزدى. پەداگوگيكالىق ءبىلىم بەرۋدى جاڭعىرتۋ وقۋ جوسپارلارىنىڭ %100 جاڭارتىلۋىن، IT- قۇزىرەتتەر، وقىتۋدىڭ زاماناۋي ادىستەرى مەن تەحنولوگيالارى بويىنشا ارنايى مودۋل ەنگىزۋدى قامتاماسىز ەتۋى كەرەك»، - دەدى قاسىم-جومارت توقايەۆ.

سونىمەن بىرگە، پرەزيدەنت پەداگوگيكالىق ماماندىقتارعا ءتۇسۋ تالابى كەزەڭ- كەزەڭىمەن كۇشەيەتىنىن، بولاشاق پەداگوگتاردىڭ شاكىرتاقىسى 26 مىڭ تەڭگەدەن 42 مىڭ تەڭگەگە دەيىن وسەتىنىن ايتتى.