+7 (701) 759 90 19
30 °С : نۇر-سۇلتان
33 °С : الماتى
USD 405.66 EUR 454.70
RUB 5.71 CNY 57.43
جاڭالىقتار

پرەزيدەنت تاپسىرماسىمەن دارىگەردى قىلمىستىق جازالاۋ جۇيەسى قايتا قارالادى

27 مامىر 16:40
:ءبولىسۋ
پرەزيدەنت تاپسىرماسىمەن دارىگەردى قىلمىستىق جازالاۋ جۇيەسى قايتا قارالادى

نۇر-سۇلتان. قازاقپارات - مەديتسينا قىزمەتكەرلەرىنىڭ زاڭدى جانە قارجىلاي قورعانۋى ءارى جاۋاپكەرشىلىگى جۇيەسىن ەنگىزۋ قاجەت.

بۇل تۋرالى ۇلتتىق قوعامدىق سەنىم كەڭەسىنىڭ 3-وتىرىسىندا ق ر پرەزيدەنتى قاسىم-جومارت توقايەۆ ايتتى، دەپ حابارلايدى قازاقپارات ءتىلشىسى.

«تاياۋدا عانا قازاقستاندىق مەديتسينا تۋرالى كەز كەلگەن ەسكەرتۋلەر ءبىرىڭعاي تەرىس پىكىرلەر تۋدىرىپ كەلدى. دارىگەرلىك قاتەلىك ءۇشىن زاڭسىز ءارى ادىلەتسىز قىلمىستىق قۋدالاۋ فاكتىلەرى دە ءجيى ورىن الدى. مەنىڭشە، بۇل تاجىريبەنى قايتا قاراۋ قاجەت»، - دەدى مەملەكەت باسشىسى. ق ر پرەزيدەنتىنىڭ اتاپ وتۋىنشە، ءوز مىندەتىن ءتيىستى دەڭگەيدە ورىنداماعان مەديتسينا قىزمەتكەرلەرىنىڭ قىلمىستىق جاۋاپكەرشىلىگىنە قاتىستى سىني ساراپتامانى قايتا قاراۋ قاجەت. «تەرگەۋ بارىسىندا نەمقۇرايلىلىق دەڭگەيىن انىقتاۋ وتە كۇردەلى. بۇعان قوسا، قىلمىستىق باپقا تارتىلعان دارىگەرلەردىڭ از ەمەستىگىن دە بىلەمىز. سونىمەن قاتار كلينيكالىق زەرتتەۋ جۇرگىزۋ ءتارتىبىن بۇزعانى ءۇشىن قىلمىستىق جازالاۋدى قولداۋدى قايتا قاراستىرعان ءجون. جازالانۋ قاتەرى مەديتسينا ماماندارىن عىلىمنان جەرىندىرەدى. ارينە، جوعارىدا ايتىلعاندار دارىگەرلەردەن ازاماتتاردىڭ ءومىرى مەن دەنساۋلىعىنا جاۋاپكەرشىلىگىن الىپ تاستامايدى. ءبىراق، مۇنداي جاۋاپكەرشىلىك الەمنىڭ دامىعان ەلدەرىندەگىدەي اكىمشىلىك جانە ازاماتتىق-قۇقىقتىق بولۋى ءتيىس. كاسىبي قىزمەتىنە كەپىلدىك بەرۋدى قوسا العاندا، مەديتسينا قىزمەتكەرلەرىنىڭ زاڭدى جانە قارجىلاي قورعانۋى ءارى جاۋاپكەرشىلىگى جۇيەسىن ازىرلەپ، ەنگىزۋدى تاپسىرامىن»، - دەپ اتاپ ءوتتى قاسىم-جومارت توقايەۆ.

اۆتور: مارلان جيەمباي


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات