ءبىلىم سالاسىندا باسقارۋشى كادرلار جەتىسپەيدى

نۇر-سۇلتان. قازاقپارات - ءبىلىم جانە عىلىم ءمينيسترى اسحات ايماعامبەتوۆ ايلىقتىڭ تومەندىگىنە بايلانىستى ءبىلىم سالاسىندا باسقارۋشى كادرلار جەتىسپەيتىنىن ءمالىم ەتتى، دەپ حابارلايدى قازاقپارات ءتىلشىسى.

«ءبىلىم جۇيەسىن قارجىلاندىرۋ سالاسىنا دا قازىر ايتارلىقتاي وزگەرىستەر ەنگىزىلىپ جاتىر. ءسىزدىڭ (مەملەكەت باسشىسىنا) تامىز كەڭەسىندە بەرگەن تاپسىرماڭىزدىڭ اياسىندا ءبىلىم جۇيەسىن باسقارۋدىڭ مودەلى ترانسفورماتسياعا ۇشىراۋدا. ءبىرىنشى رەت مەكتەپتەر مەن بالاباقشالاردىڭ ديرەكتورلارىن، ديرەكتورلاردىڭ ورىنباسارلارىن اتتەستاتتاۋدان وتكىزىپ، ەمتيحان قورىتىندىسى بويىنشا ولارعا ءتيىستى سانات بەرىلەدى. سول ساناتقا بايلانىستى 100 پايىزدىق ەڭبەكاقى كولەمىندە ۇستەمەاقى بەرىلەدى»، - دەدى اسحات ايماعامبەتوۆ ۇلتتىق قوعامدىق سەنىم كەڭەسىنىڭ وتىرىسىندا.

ءمينيستردىڭ ايتۋىنشا قازىر ءبىلىم سالاسىندا باسقارۋشى كادرلاردىڭ جەتىسپەۋشىلىگى سەزىلەدى. «سەبەبى مەكتەپتىڭ ديرەكتورى نەمەسە ورىنباسارى مۇعالىمنەن قاراعاندا ەداۋىر از اقشا الادى. ال اينالىپ كەلگەندە ولارعا تۇسەتىن جۇمىس جۇكتەمەسى وتە اۋىر. سول سەبەپتى وسىنداي شارالاردى جۇزەگە اسىرامىز»، - دەدى مينيستر.