ديپلوم باسىپ بەرە بەرەتىن ج و و-لاردى جابۋ قاجەت - پرەزيدەنت
بۇل تۋرالى ۇلتتىق قوعامدىق سەنىم كەڭەسىنىڭ 3-وتىرىسىندا ق ر پرەزيدەنتى قاسىم-جومارت توقايەۆ ايتتى، دەپ حابارلايدى قازاقپارات ءتىلشىسى.
«ءبىلىم ساپاسىن ارتتىرۋ ءۇشىن مەن جوعارى وقۋ ورىندارىنا قويىلاتىن تالاپتى قاتاڭداتۋدى تاپسىرعان ەدىم. جالعان ديپلومدار بەرەتىن كەڭسەلەرگە ءبىزدىڭ جۇيەمىزدە مۇلدەم ورىن بولماۋى ءتيىس. بۇل جۇمىستاردى تاباندى تۇردە ءارى بارىنشا قىسقا ۋاقىتتا اياقتاۋ كەرەك. ءبىز بۇل جايىندا ءبىلىم مينيسترمەن سويلەسكەن ەدىك. قانداي قيىندىق بولسا دا، ج و و-دەپ اتالاتىن ولاردى كىم قورعاسا دا بۇل جۇمىستى اياقتاۋ كەرەك. ديپلوم باسىم شىعاراتىن بۇل مەكەمەلەردى تاباندى تۇردە جابۋ قاجەت»، - دەدى مەملەكەت باسشىسى.
ق ر پرەزيدەنتى مۇنان بولەك، كەزەڭ-كەزەڭىمەن جوعارى وقۋ ورىندارىنىڭ پروفيليزاتسيالانۋىن، ماماندانۋىن، سونىمەن بىرگە ءبىلىم ساپاسىن قامتاماسىز ەتۋ قاجەتتىگىن باسا ايتتى.
«ءبىلىم ساپاسىنىڭ ماڭىزدى اسپەكتىسى اكادەميالىق ادالدىق مادەنيەتىنىڭ جان-جاقتى دامۋىن ەنگىزۋ بولۋى ءتيىس. مينيسترلىك اكادەميالىق ادالدىق ليگاسىنىڭ مۇشەسى سانالاتىن جوعارى وقۋ ورىندارىن قولداۋعا جانە دامىتۋعا مىندەتتى»، - دەپ اتاپ ءوتتى قاسىم-جومارت توقايەۆ.