+7 (701) 759 90 19
26 °С : نۇر-سۇلتان
28 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

ۇلتتىق كەڭەس: راۋان كەنجەحان ۇلى بالالار اراسىنداعى سۋيتسيد ماسەلەسىن كوتەردى

27 مامىر 13:27
:ءبولىسۋ
ۇلتتىق كەڭەس: راۋان كەنجەحان ۇلى بالالار اراسىنداعى سۋيتسيد ماسەلەسىن كوتەردى

نۇر-سۇلتان. قازاقپارات - ۇلتتىق قوعامدىق سەنىم كەڭەسىنىڭ مۇشەسى، قوعام قايراتكەرى راۋان كەنجەحان ۇلى بالالار اراسىنداعى سۋيتسيد ماسەلەسىن كوتەردى، دەپ حابارلايدى قازاقپارات ءتىلشىسى.

«تاعى ءبىر نازار اۋداراتىن ماسەلە - بالالاردىڭ جان ساۋلىعىنا قاتىستى. اتاپ ايتساق، مەكتەپ وقۋشىلارى اراسىنداعى سۋيتسيد، ياعني وزىنە قول سالۋدىڭ جيىلىگى. وكىنىشكە قاراي، بۇل كورسەتكىش بويىنشا قازاقستان دۇنيە جۇزىندەگى جاعدايى ەڭ ناشار ەلدەر قاتارىندا. جىل سايىن 170 تەن اسا قازاقستاندىق ءجاسوسپىرىم وزدەرىن ومىردەن ايىرادى. مامانداردىڭ ەسەبىنشە اياقتالماعان جانە ءتۇرلى سەبەپپەن تىركەلمەگەن سۋيتسيدكە تالپىنىس سانى بۇدان 20 ەسە كوپ. اشىعىن ايتقاندا، بالالار اراسىنداعى مۇنداي جاعداي - قوعام ساۋلىعىنىڭ وتە سوراقى كورسەتكىشى»، - دەپ اتاپ ءوتتى سپيكەر ۇلتتىق قوعامدىق سەنىم كەڭەسىنىڭ ونلاين فورماتتاعى 3-وتىرىسىندا. سونىمەن بىرگە، سپيكەر بالالار اراسىنداعى سۋيتسيدتىڭ الدىن الۋعا باعىتتالعان ورتاق باعدارلاما نە ءبىرىڭعاي ادىستەمە جاسالماعانىن ايتتى.

«قۇرمەتتى قاسىم-جومارت كەمەل ۇلى! ءسىز بۇل ماسەلە تۋرالى بىرنەشە رەت ايتتىڭىز، تاپسىرما دا بەردىڭىز. الايدا ەلىمىزدە ءبىلىم بەرۋ جانە دەنساۋلىق ساقتاۋ جۇيەلەرىن قامتيتىن، بارلىق دەڭگەيدە باسشىلىققا الىنۋى ءتيىس بالالار اراسىنداعى ءسۋيتسيدتىڭ الدىن الۋعا باعىتتالعان ورتاق باعدارلاما نە ءبىرىڭعاي ادىستەمە ءالى قابىلدانبادى. ءبىز ءوز تاراپىمىزدان بىلىكتى قازاقستاندىق جانە بەدەلدى حالىقارالىق پسيحولوگ مامانداردى جۇمىلدىرىپ، «دەنساۋلىق جانە ءومىر داعدىلارى» اتتى ارنايى باعدارلاما دايىندادىق. ونداعى امالدار مەن ادىستەر بىرنەشە ايماقتا سىناقتان ءوتتى. قاجەت بولسا، باعدارلامانى ءتيىستى مينيسترلىككە تاپسىرۋعا دايىنبىز. تەك ەل ايماقتارىنىڭ بارلىعىن، وقۋشىلار مەن ۇستازداردى، پسيحولوگتار مەن اتا- انالاردى جان-جاقتى قامتيتىن بەلسەندى ءىس-قيمىل باستاۋدى سۇرايمىز»، - دەدى راۋان كەنجەحان ۇلى.

بۇعان دەيىن راۋان كەنجەحان ۇلى قازاقستان مەكتەپتەرىن ءبىر اۋىسىمدا وقۋ رەجيمىنە كوشىرۋ جولدارىن ايتتى جانە قازاقستاندا ۇلتتىق مەكتەپ ۇلگىسىن جاساۋدى ۇسىندى.

ايتا كەتەيىك، ق ر پرەزيدەنتى قاسىم-جومارت توقايەۆتىڭ توراعالىعىمەن ۇلتتىق قوعامدىق سەنىم كەڭەسىنىڭ ءۇشىنشى وتىرىسى ءوتىپ جاتىر. كەزەكتى وتىرىس ادامي كاپيتالدى دامىتۋعا، اتاپ ايتقاندا، ءبىلىم بەرۋ، دەنساۋلىق ساقتاۋ ماسەلەلەرىنە ارنالعان.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات