+7 (701) 759 90 19
17 °С : نۇر-سۇلتان
28 °С : الماتى
USD 405.77 EUR 457.91
RUB 5.77 CNY 57.42
جاڭالىقتار

قاسىم-جومات توقايەۆ: كوروناۆيرۋسپەن كۇرەس اياقتالعان جوق

27 مامىر 12:50
:ءبولىسۋ
قاسىم-جومات توقايەۆ: كوروناۆيرۋسپەن كۇرەس اياقتالعان جوق

نۇر-سۇلتان. قازاقپارات - ەلىمىز پاندەميانىڭ شارىقتاۋ شەگىنەن وتكەنىمەن، ىندەتپەن كۇرەس ءالى اياقتالعان جوق.

بۇل تۋرالى ۇلتتىق قوعامدىق سەنىم كەڭەسىنىڭ 3-وتىرىسىندا ق ر پرەزيدەنتى قاسىم- جومارت توقايەۆ ايتتى، دەپ حابارلايدى قازاقپارات ءتىلشىسى.

«ءبىز بۇگىن ەرەكشە جاعدايدا كەزدەسىپ وتىرمىز. كوروناۆيرۋس ىندەتى جۇمىس تارتىبىمىزگە ەلەۋلى وزگەرىس ەنگىزدى. قازىرگى تاڭدا ەلىمىز پاندەميانىڭ شارىقتاۋ شەگىنەن ءوتتى. ءبىراق، ىندەتپەن كۇرەس ءالى اياقتالعان جوق. بۇل ىندەت - وتە قاۋىپتى. باتپانداپ كىرەدى، مىسقالداپ شىعادى. كوروناۆيرۋس قازىرگى الەمنىڭ قۇندىلىقتارىن ايتارلىقتاي وزگەرتتى»، - دەدى مەملەكەت باسشىسى.

ق ر پرەزيدەنتى دەنساۋلىق ساقتاۋ جۇيەسىنىڭ، ءوزىن-ءوزى قامتۋدىڭ، ىنتىماقتاسۋ مەن جاۋاپكەرشىلىكتىڭ ماڭىزى ارتا تۇسكەنىن باسا ايتتى.

«سوعان سايكەس مەملەكەت قىزمەتىندە جانە قوعامدىق ءومىردىڭ بارلىق سالاسىندا تۇبەگەيلى وزگەرىستەر بولماق. پاندەميا ءبىزدىڭ ەلىمىز ءۇشىن دە ۇلكەن سىناق بولىپ وتىر. قازاقستان حالقى ەشقاشان قيىندىققا مويىعان ەمەس. بۇل جولى دا بىرلىگىمىزدىڭ بەكەم ەكەندىگىن كورسەتتىك. ءبىز ىرىس پەن ىنتىماقتىڭ ارقاسىندا كەز كەلگەن سىناقتى ابىرويمەن ەڭسەرەمىز دەپ سەنەمىن»، - دەدى قاسىم-جومارت توقايەۆ.

ايتا كەتەيىك، ق ر پرەزيدەنتى قاسىم-جومارت توقايەۆتىڭ توراعالىعىمەن ۇلتتىق قوعامدىق سەنىم كەڭەسىنىڭ ءۇشىنشى وتىرىسى ءوتىپ جاتىر. كەزەكتى وتىرىس ادامي كاپيتالدى دامىتۋعا، اتاپ ايتقاندا، ءبىلىم بەرۋ، دەنساۋلىق ساقتاۋ ماسەلەلەرىنە ارنالعان.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات