+7 (701) 759 90 19
19 °С : نۇر-سۇلتان
24 °С : الماتى
USD 405.66 EUR 454.70
RUB 5.71 CNY 57.43
جاڭالىقتار

شايقىنىڭ دومبىراسى

27 مامىر 13:35
:ءبولىسۋ
شايقىنىڭ دومبىراسى

نۇر-سۇلتان. قازاقپارات -كۇي ونەرىنىڭ كلاسسيگى سانالاتىن تاتتىمبەتتىڭ نەمەرەسى شايقى مۇساتاي ۇلى 1885 -جىلى قارقارالى اۋدانىنا قاراستى مىرجىق تاۋىنىڭ باۋىرىنداعى مىڭبۇلاق قىستاعىندا دۇنيەگە كەلگەن.

بۇل كىسى زامانىندا جاڭاشا وقىعان ساۋاتتى ادام بولىپتى. ەل شەجىرەسىن جاتقا بىلۋىمەن قاتار، كۇي تاريحىنا قاتىستى مول ماعلۇماتتاردى تەرەڭ مەڭگەرگەن. اتاسى تاتتىمبەتتىڭ قىرىقتان استام كۇيىنىڭ قالاي شىققانى، ولاردى كىمدەردىڭ شەرتكەنى تۋرالى جاقسىمبەت پەن اكەسى مۇساتايدان جانە باسقا دا بىلەتىن ادامداردان ەستىگەنىن جادىندا بەرىك ساقتاعان ەكەن.

شايقى مۇساتاي ۇلى 1892-1897 -جىلدارى قارقارالى اۋىلشارۋاشىلىق مەكتەبىندە وقىپ، ءبىلىم الىپتى. قارقارالى وكرۋگىندەگى داستار ەلىندە بولىس بولعان دەگەن دە دەرەك بار.

تەكتىنىڭ تۇقىمى 1928 -جىلى تاركىلەنىپ، سەمەيگە جەر اۋدارىلعان. كەيىندە، ياعني 1966 -جىلى قارقارالىعا كەلگەن ساپارىندا وسى سۋرەتتەگى دومبىراسىن تاتتىمبەت كۇيلەرىن ناسيحاتتاۋشى، كۇيشى، تۋىسقانى تۇرىسبەك تۇسىپبەكوۆكە بەرىپتى.

«بۇل دومبىرانى قازىرگى ۋاقىتتا ەل استاناسىندا تۇرىپ جاتقان تۇرىسبەك كۇيشى 1980 جىلى قارقارالى مۇراجايىنا تاپسىرعان»، دەيدى قارقارالى تاريحي- ولكەتانۋ مۋزەيىنىڭ كىشى عىلىمي قىزمەتكەرى ساتبەك سلامبەكوۆ.

شايقى مۇساتاي ۇلى 87 جاسىنا قاراعان شاعىندا اياگوز قالاسىندا قايتىس بولعان.

قايرات ءابىلدا

قاراعاندى وبلىسى، قارقارالى قالاسى

«ەگەمەن قازاقستان»



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات