بالىقتاردىڭ سۋ بەتىنە جاپپاي شىعۋى: ەلوردالىق ماماندار ەسىلدەن سىناما الدى

نۇر- سۇلتان. قازاقپارات - ەسىل وزەنىندە بالىقتار جاپپاي سۋ بەتىنە شىققانى تۋرالى بۇقارالىق اقپارات قۇرالدارىندا جاريالانعان اقپاراتقا سايكەس «قازگيدرومەت» ر م ك سۋدان سىنامالار الدى، دەپ حابارلايدى قازاقپارات.

«نۇر- سۇلتان قالاسىندا ەسىل وزەنىندەگى بالىقتاردىڭ ەرەكشە قۇبىلىسى جونىندە ب ا ق- تا جاريالانعان اقپاراتقا بايلانىستى 26 - مامىر كۇنى ق ر ەكولوگيا، گەولوگيا جانە تابيعي رەسۋرستار مينيسترلىگى «قازگيدرومەت» ر م ك نۇر- سۇلتان قالاسى بويىنشا ەكولوگيالىق مونيتورينگ دەپارتامەنتىنىڭ قورشاعان ورتانىڭ لاستانۋ مونيتورينگى سىناق زەرتحاناسىنىڭ قىزمەتكەرلەرى جوسپاردان تىس سۋ سىنامالارىن الدى»، - دەلىنگەن «قازگيدرومەت» ر م ك مالىمەتىندە. سۋ سىنامالارى كەلەسى نۇكتەلەردەن الىنعان:

- «قاراوتكەل» اۆتوجول كوپىرىنىڭ استىندا؛

- «قاراوتكەل» اۆتوجول كوپىرىنەن 0,5 ك م جوعارى؛

- «قاراوتكەل» اۆتوجول كوپىرىنەن 0,5 ك م تومەن؛

جەر بەتى سۋلارىنىڭ ساپاسىن تالداۋ 42 فيزيكا- حيميالىق كورسەتكىش بويىنشا جۇرگىزىلەدى. ونىڭ ىشىندە باستى يوندار، بيوگەندى، ورگانيكالىق جانە ورگانيكالىق ەمەس زاتتار، اۋىر مەتالدار بار.

«ءبىرىنشى كۇننىڭ تالداۋى بويىنشا سۋدىڭ تەمپەراتۋراسى 23,7 - 24,2 گرادۋس شەگىندە ەكەنى انىقتالدى. سۋتەگى كورسەتكىشى - 8,70-8,75. سۋدا ەرىگەن وتتەگىنىڭ كونتسەنتراتسياسى قالىپتى جانە 9,30-11,8 م گ/دم3 دياپازونىندا. ءتۇسى - 25-30 گرادۋس، مولدىرلىگى - 25 س م، ءيىسى - 0 بالل، تابيعي سۋعا ءتان ەمەس يىستەر تابىلمادى. 27 -مامىردا قالعان كورسەتكىشتەر بويىنشا تالداۋ ناتيجەلەرى تۋرالى قوسىمشا اقپارات جاريالاناتىن بولادى. سونداي- اق، 31 -مامىردا 5 تاۋلىكتەن كەيىن دايىن بولاتىن «وتتەگىنى بيوحيميالىق تۇتىنۋ (5) « ءاناليزىنىڭ ناتيجەسىن ۇسىنامىز» ، - دەدى كومپانيانىڭ باسپا ءسوز قىزمەتىنەن.