جاس كاسىپكەر تاۋىق تەرىسىنەن قىمبات اياق كيىم تىگىپ ساتادى
جاس كاسىپكەر وسى ماقسات ءۇشىن 6 ادامنان تۇراتىن كوماندا جيناعان. تاۋىق اياعىنىڭ تەرىسىن اياق كيىم وندىرىسىندە قولدانۋ يدەياسىن جاس كاسىپكەرگە اكەسى بەرگەن. نۋرماننىڭ اكەسى تاۋىق اياعىنىڭ تەرىسى تىرناعىنان تىزەسىنە دەيىن ەكزوتيكالىق باۋىرمەن جورعالاۋشىلاردىڭ تەرىسىنە ۇقسايتىن بولعاندىقتان وسىنداي ويعا كەلگەن.
«ءبىز تاۋىق اياعىنىڭ تەرىسىن تاڭداعان سەبەبىمىز يندونەزياداعى فاست- فۋد مەيرامحانالارى تاۋىق ەتىن پايدالانادى. ال تەرىسى قوقىسقا تاستالادى. ءبىز بۇل ءونىمنىڭ تيىمدىرەك بولعانىن قالايمىز»، - دەدى كاسىپكەر.
جاس كاسىپكەر تەرىسى بىلعارى اياق كيىمدەر ءۇشىن اۋلاناتىن قولتىراۋىندار مەن جىلانداردى وسىلايشا قورعاعىسى كەلەدى، ويتكەنى ولاردىڭ كەيبىرەۋلەرى جويىلىپ كەتكەلى تۇر. ءرامدحانيدىڭ ايتۋىنشا، تاۋىقتىڭ اياعىنداعى تەرى دە «ءساندى» كورىنەدى.
اياق كيىمدى نۋرمان رامدحان، اكەسى جانە تاعى 4 ادام قولىمەن تىگەدى. تەرى ەت پەن سۇيەكتەن ءبولىنىپ، كەپتىرىلىپ، ءبىر- بىرىنە جالعانادى. ءبىر ەر ادامنىڭ اياق كيىمى 45 تاۋىق ەتىنەن تىگىلەدى جانە وعان 10 كۇن ۋاقىت كەتەدى. Hirka دەپ اتالاتىن بۇل كومپانيا 2017 -جىلدان باستاپ اياق كيىم شىعارادى. كاسىپكەرلەر تۇتىنۋشىلارعا ءوز ونىمدەرىنىڭ ۇناتايتىنىن ايتادى.
«اياق كيىم ىڭعايلى جانە ادەمى كورىنەدى. ءونىم تۇتىنۋشىلارعا جەتكەن سايىن، ولار ءبىز كۇتكەننەن دە ادەمى ءھام ىڭعايلى ەكەن دەگەن سىندى ماقتاۋ سوزدەر ايتادى. ولارعا ءبىزدىڭ اياق كيىم قوراپتارىمىز دا ۇنايدى. ازىرگە بارلىق پىكىرلەر وڭ»، - دەيدى جاس كاسىپكەر.
Massaget.kz