تەز قارتايتاتىن تاعامدار

نۇر-سۇلتان. قازاقپارات - وڭدەۋدەن كوپ وتكەن تاعامدار جاسۋشىلاردىڭ تەز قارتايۋىنا اكەلەدى. مۇنى يسپان عالىمدارى انىقتاپ وتىر.

زەرتتەۋ قورىتىندىسىن La Vanguardia سايتى حابارلادى. نان ونىمدەرى مەن سنەك، گازدالعان سۋسىندار، ءتۇرلى دەسەرت پەن تاتتىلەر، قانت قوسىلعان جۇگەرى قاۋىزى، جارتىلاي فابريكاتتار مەن قالپىنا كەلتىرىلگەن ەت ونىمدەرى - وڭدەۋدەن كوپ وتكەن ونىمدەر سانالادى. ياعني، ۋلتراوندەلگەن تاۋارلار. وندەلگەن ونىمدەردىڭ قۇرامىندا قانت پەن تۇز، كونسەرۆانتتار مەن بوياعىشتار، ماي كوپ بولادى. ەسەسىنە، ۆيتامين از.

زەرتتەۋ جاساعان ناۆاررا ۋنيۆەرسيتەتى عالىمدارىنىڭ ايتۋىنشا، مۇنداي تاعامداردى كوپ جەگەن ادامنىڭ جاسۋشاسىنداعى حروموسومالاردىڭ اعزانى قالپىنا كەلتىرۋشى بولىكتەرى - تەلومەر ازايىپ كەتەدى. تەلومەر ۋاقىت وتكەن سايىن اعزانىڭ تابيعي جاسىنا ساي ازايىپ قىسقارادى، الايدا وڭدەۋدەن وتكەن تاعامدار تەلومەردى ۋاقىتىنان بۇرىن ازايتىپ جىبەرەدى. زەرتتەۋ توبى 57 مەن 91 جاستاعى 886 ادامعا تاجىريبە جاساعان. ولار تاجىريبەگە قاتىسقان ادامداردىڭ كۇندەلىكتى راتسيونى مەن جاسىنىڭ اراسىنداعى اراقاتىناستى سالىستىرعان. سول كەزدە كۇنىنە 3 پورتسيا وڭدەلگەن ازىق- تۇلىك تۇتىنعان ادامداردىڭ تەلومەرى ەكى ەسە تەز قىسقارعانى ءمالىم بولدى.

Massaget.kz