اۋەجايلار اشىلدى، بلوكپوستار نەگە الىنبادى - باس سانيتار جاۋابى

نۇر- سۇلتان. قازاقپارات - ق ر باس مەملەكەتتىك سانيتار دارىگەرى ايجان ەسماعامبەتوۆا اۋە، تەمىر جول قوزعالىسى اشىلسا دا، بلوكپوستاردىڭ نەگە الىنبايتىنىن ءتۇسىندىردى، دەپ حابارلايدى قازاقپارات ءتىلشىسى.

«بىرىنشىدەن، كارانتيندى جۇمسارتۋ شارالارى جاعدايعا قاراي كەزەڭ- كەزەڭىمەن جۇرگىزىلەدى. اۆتوبۋستار مەن جەڭىل كولىككە قاراعاندا، اۋە رەيسىن حالىقتىڭ از بولىگى قولدانادى. ەكىنشىدەن، ەلىمىزدىڭ ءار وڭىرىندەگى جاعداي ءار ءتۇرلى. قازىرگى سيفرلاردان وڭىرلەر جاعدايىنىڭ تەڭەسكەنىن كورىپ وتىرعان جوقپىز. كەي وڭىردە جۇقتىرۋدىڭ ەڭ تومەنگى كورسەتكىشى تىركەلسە، وزگە وڭىردە - كەرىسىنشە جوعارى»، - دەدى باس سانيتارلىق دارىگەر ق ر دەنساۋلىق ساقتاۋ مينيسترلىگىنىڭ فەيسبۋكتەگى باسپا ءسوز ءماسليحاتىندا.

سپيكەردىڭ ايتۋىنشا، بارلىق شەشىم كوروناۆيرۋس ينفەكتسياسىن قوسىمشا تاراتپاۋ ءۇشىن قابىلدانىپ جاتىر.

«سوندىقتان، جەڭىلدەتۋدىڭ ءبىرىنشى كەزەڭىندە اۋە رەيستەرى ىسكە قوسىلدى. كەلەسى كەزەڭدە - تەمىر جول كولىگى. بالكىم، ودان كەيىنگى كەزەڭدەردە وڭىرلەر اراسىنداعى بلوكپوستتار الىناتىن شىعار. كەي وڭىرلەر ءوز ىشىندەگى بلوكبەكەتتەردى الىپ تاستادى. سوندىقتان دا، كوروناۆيرۋس ينفەكتسياسىنىڭ قايتا تاراۋىنا جول بەرمەۋ ءۇشىن بلوكپوستتار اشىلمايدى»، - دەدى ا، ەسماعامبەتوۆا.

بۇعان دەيىن باس سانيتارلىق دارىگەر قازاقستان اۋەجايلارىندا وزگە ەلدە جۇرگىزىلگەن پ ت ر تەستىنىڭ ناتيجەسى قابىلداناتىنىن حابارلاعان ەدى. سونىمەن بىرگە، COVID-19 ناۋقاسىمەن بايلانىستا بولعاندار ەكى توپقا بولىنەتىن بولادى .