باسسەيندەر مەن فيتنەس زالدار قانداي جاعدايدا اشىلادى
«كارانتين شارالارىن جەڭىلدەتۋدى اۋرۋ دەڭگەيىنە قاراي كەزەڭ- كەزەڭىمەن جۇرگىزەمىز. اتالعان نىساندار اۋرۋ دەڭگەيى 2 پايىزعا تۇسكەندە عانا اشىلادى. قازىر بولجام ايتۋ قيىن. كارانتين شارالارىن قالاي ساقتاساق، نىساندار دا سولاي اشىلادى»، - دەدى سپيكەر ق ر دەنساۋلىق ساقتاۋ مينيسترلىگىنىڭ فەيسبۋكتەگى باسپا ءسوز ءماسليحاتىندا. سونىمەن بىرگە، باس سانيتارلىق دارىگەر سانيتارلىق نورمالاردى بۇزعاندارعا قانداي شارا قولدانىلاتىنىن ايتتى.
«قولدانىستاعى زاڭناما، ياعني كاسىپكەرلىك كودەكسى ەپيدەميا قاۋپى بولعاندا جوسپاردان تىس تەكسەرۋ جۇرگىزۋگە رۇقسات بەرەدى. سانيتارلىق نورمالار مەن تالاپتاردى ورىندامايتىندارعا اكىمشىلىك كودەكستىڭ 462-بابىندا (مەملەكەتتىك ينسپەكتسيالار مەن مەملەكەتتىك باقىلاۋ جانە قاداعالاۋ ورگاندارىنىڭ لاۋازىمدى ادامدارىنا قىزمەتتىك مىندەتتەرىن ورىنداۋعا كەدەرگى كەلتىرۋ، قاۋلىلاردى، نۇسقامالاردى جانە وزگە دە تالاپتاردى ورىنداماۋ) اكىمشىلىك جاۋاپكەرشىلىك قاراستىرىلعان»، - دەدى ا. ەسماعامبەتوۆا.
بۇعان دەيىن باس سانيتارلىق دارىگەر قازاقستان اۋەجايلارىندا وزگە ەلدە جۇرگىزىلگەن پ ت ر تەستىنىڭ ناتيجەسى قابىلداناتىنىن حابارلاعان ەدى. ودان بولەك، ا. ەسماعامبەتوۆا اۋە، تەمىر جول قوزعالىسى اشىلسا دا، بلوكپوستتاردىڭ نەگە الىنبايتىنىن ءتۇسىندىردى. COVID-19 ناۋقاسىمەن بايلانىستا بولعاندار ەكى توپقا بولىنەتىن بولادى. ال كوروناۆيرۋس ينفەكتسياسىنا تەست تاپسىراتىن ادامداردىڭ جاڭا ساناتى جاريالاندى. سونىمەن بىرگە، باس سانيتارلىق دارىگەر اشىق اۋادا نە ءۇشىن ماسكا تاعۋ قاجەتتىگىن ءتۇسىندىرىپ، كوروناۆيرۋسكە سەنبەيتىن تۇرعىندارعا جاۋاپ بەردى.