نيۋ- يورك قور بيرجاسى ەكى اي ۇزىلىستەن كەيىن جۇمىسىن باستادى
سەيسەنبى كۇنى ەكى ايلىق ۇزىلىستەن كەيىن نيۋ- يورك قور بيرجاسى (NYSE) جۇمىسىن قايتا باستادى. ساۋدا- ساتتىقتىڭ باستالۋىن بىلدىرەتىن قوڭىراۋ باتىرماسىن نيۋ- يورك شتاتىنىڭ گۋبەرناتورى ەندريۋ كۋومو باستى. بۇل رەتتە ترەيدەرلەر كوپتەگەن جاڭا ەرەجەنى ساقتاۋى كەرەك. جۇمىسقا ترەيدەرلەردىڭ تەك تورتتەن ءبىر بولىگى عانا ورالا الادى. ولار بيرجاعا جەتۋ ءۇشىن قوعامدىق كولىكتى پايدالانباۋى ءتيىس، ماسكا كيىپ، الەۋمەتتىك قاشىقتىق نورمالارىن ساقتاۋى كەرەك.
عيماراتتا سونداي- اق، ادامداردى بولەتىن ەكراندار ورناتىلعان. بۇدان باسقا، بيرجادا جۇمىس ىستەيتىندەردىڭ بارلىعىنىڭ كىرۋ كەزىندە دەنە قىزۋى ولشەنەتىن بولادى.
سونداي- اق، دۇنيەجۇزىلىك دەنساۋلىق ساقتاۋ ۇيىمى (د د ۇ) كارانتيندىك شارالاردى تىم جىلدام الىپ تاستاۋ، ءتىپتى Covid-19 جاعدايلارىنىڭ سانى تۇراقتى تۇردە ازايعان ەلدەردە دە اۋرۋدىڭ قايتا ورشۋىنە الىپ كەلۋى مۇمكىن ەكەنىن تاعى ەسكەرتتى.
د د ۇ توتەنشە جاعدايلار جونىندەگى باعدارلامالار جەتەكشىسى مايك راياننىڭ ايتۋىنشا، بىرنەشە ايدان كەيىن الەم ۆيرۋستىڭ ەكىنشى شارىقتاۋ شەگىن كورۋى مۇمكىن.
سوڭعى اپتادا كوپتەگەن باتىس ەلدەرى، ەڭ الدىمەن ەۋروپا كارانتيندىك شارالاردى السىرەتە باستادى. ا ق ش- تا كەيبىر شتاتتارى دا سولاي جاساۋدا. ەسكە سالساق، 1 -شىلدەدەن باستاپ يسپانيا شەتەلدىك تۋريستەرىن قابىلداۋعا دايىن ەكەنى حابارلانعان بولاتىنبىز.