08:51, 27 - مامىر 2020 | GMT +6
تويعا دايىندىق: شىمكەنتتە ساياباقتا سەرۋەندەگەن جاس جۇبايلار ۆيدەوعا ءتۇسىپ قالدى
شىمكەنت. قازاقپارات - شىمكەنتتە دەندروساياباقتا سەرۋەندەگەن جاس جۇبايلار قالاداعى كارانتين رەجيمىن بۇزدى، دەپ حابارلايدى قازاقپارات قالالىق پوليتسيا دەپارتامەنتىنە سىلتەمە جاساپ.
شىمكەنت قالاسى ءال- فارابي اۋدانى پوليتسيا باسقارماسىنىڭ قىمەتكەرلەرى ا. اسقاروۆ اتىنداعى دەندروساياباق الدىندا سەرۋەندەپ جۇرگەن جاستاردىڭ جەكە باسىن انىقتاپ، پوليتسياعا جەتكىزدى. ولار ءوز ارەكەتىن تويدىڭ الدىنداعى دايىندىق دەپ تۇسىندىرگەن. جاستار ارنايى فوتوسەسسيا جاساپ، بەينەروليك تۇسىرگەن. سونداي- اق، تويدى كارانتين رەجيمى اياقتالعاننان كەيىن وتكىزۋدى جوسپارلاعان. الايدا ماسكاسىز ءجۇرىپ، كارانتين رەجيمىن بۇعانى ءۇشىن پوليتسيا قىزمەتكەرلەرى ول ازاماتتارمەن پروفيلاكتيكالىق اڭگىمە جۇرگىزىپ، تۇسىنىكتەمە الدى. ولارعا قاتىستى شارا قابىلداۋ ءۇشىن جيناقتالعان اكىمشىلىك ءىس قۇجاتتار سانيتارلىق- ەپيدەميولوگيالىق قىزمەتىنە جولدانادى.