+7 (701) 759 90 19
30 °С : نۇر-سۇلتان
33 °С : الماتى
USD 405.66 EUR 454.70
RUB 5.71 CNY 57.43
جاڭالىقتار

ماڭعىستاۋدا كەمە قۇراستىرىلادى – اكىمدىك

27 مامىر 12:21
:ءبولىسۋ
ماڭعىستاۋدا كەمە قۇراستىرىلادى – اكىمدىك

اقتاۋ. قازاقپارات - 2023-جىلعا دەيىن ينفراقۇرىلىمدى دامىتۋدىڭ جاڭا باعدارلاماسى بويىنشا پاروم سالۋ مۇمكىندىگى قاراستىرىلعان. سونىمەن قاتار، قۇرىقتا كەمە جاساۋ جوباسى ىسكە اسىرىلادى، دەپ حابارلايدى قازاقپارات ءتىلشىسى.

قازاقستان ءۇشىن بىرنەشە كولىك حابىنىڭ قيىلىسىندا ورنالاسقان اقتاۋ تەڭىز ساۋدا پورتىنىڭ ستراتەگيالىق ماڭىزى جوعارى. وبلىس اكىمى باسپا ءسوز قىزمەتىنىڭ حابارلاۋىنشا، 2019 -جىلى پورت 3,5 ميلليون توننادان استام جۇك قابىلدادى، بۇرىنعى كورسەتكىش 39 مىڭ توننا بولاتىن. يران - قازاقستاندىق ءونىمنىڭ نەگىزگى ساتىپ الۋشىلارىنىڭ ءبىرى. قازىرگى تاڭدا تاسىمالدانعان مۇناي مەن مۇناي ونىمدەرىنىڭ كورسەتكىشتەرى كەرىسىنشە ءوسىپ وتىر. اقتاۋ پورتىندا وڭدەلگەن كونتەينەرلەردىڭ كورسەتكىشتەرى 6 ەسە وسكەن. بۇعان اقتاۋدان الياتقا (ازەربايجانعا) فيدەر تاسىمالىن ىسكە قوسۋ سەبەپ بولدى. اقتاۋدا قازىر جاڭا جۇك تۇرلەرى دە قايتا باعدارلانعان: پوليپروپيلەن، كاليي تىڭايتقىشتارى، تەحنيكا، مىس، قۇرىلىس ماتەريالدارى. سونىمەن قاتار، كليەنتتەرگە كەپىلدى كولەمدى تاسىمالداعان جاعدايدا جەڭىلدىك بەرىلەدى.

قىتاي- ەۋروپا باعىتىنداعى تاسىمالداۋ كورسەتكىشتەرىنىڭ وسۋىنە قازاقستاندىق تەمىر جول تاريفتەرىنىڭ رەسەيلىك تاريفتەن 2-3 ەسە تومەن بولعانى ىقپال ەتتى. بۇدان باسقا، جۇكتىڭ %90 عا جۋىعى وزىندىك قۇنىنان تومەن باعادا تاسىمالدانادى. 2019 -جىلدىڭ قورىتىندىسى بويىنشا تەڭىز ارقىلى 5,8 ميلليون توننا جۇك تاسىمالدانعان. ونىڭ ىشىندە قۇرىق پورتى ارقىلى - 1,3 ميلليون توننا، اقتاۋ پورتى ارقىلى - 3,5 ميلليون توننا، اقتاۋ سولتۇستىك تەرمينالى ارقىلى - 1 ميلليون توننا. سونىمەن قاتار، تەمىرجول كولىگىنىڭ كومەگىمەن 3,8 ميلليون توننا جۇك تاسىمالداندى.

«پورتتاردىڭ قۋاتىن جانە جۇك تاسىمالداۋ كولەمىن ارتتىرۋ ءۇشىن ساپالى جول- كولىك جۇيەسىن قۇرۋ قاجەت. سوندىقتان ءبىز اۆتوموبيل جولدارىن جوندەۋگە ۇلكەن ءمان بەرەمىز» دەلىنگەن حابارلامادا. الايدا، ازىرگە ەلىمىزدە جەكە پارومدار جوق ەكەنى بەلگىلى جانە ءالى دە ءبىرقاتار قيىندىقتار تۋىپ وتىر. سوندىقتان 2023 -جىلعا قاراي اقتاۋدا جاڭا پاروم سالۋ كوزدەلىپ وتىر. بۇل جاڭا باعدارلاما اياسىندا ىسكە قوسىلادى. ەگەر پاروم قۇرىلىسى دەر كەزىندە باستالسا، كەمە قۇراستىرۋ دا قولعا الىنباق. ينۆەستورلارمەن كەلىسىپ، جابدىقتارى الىنادى. ازىرشە جوبا تولىق تالقىلانىپ، قارالادى.



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات