+7 (701) 759 90 19
17 °С : نۇر-سۇلتان
26 °С : الماتى
USD 405.77 EUR 457.91
RUB 5.77 CNY 57.42
جاڭالىقتار

ساراپشىلار: قىمبات مۇناي وندىرۋشىلەر نارىقتان كەتەدى

26 مامىر 21:50
:ءبولىسۋ
ساراپشىلار: قىمبات مۇناي وندىرۋشىلەر نارىقتان كەتەدى

نۇر- سۇلتان. قازاقپارات - 2020-جىلعا دەيىن مۇناي باعاسى بۇرىنعىداي بولمايدى. ساراپشىلار وسىنداي بولجام جاسادى، دەپ حابارلايدى «حابار 24».

قارا التىن نارىعى +وپەك شەشىمىنەن بولەك، ا ق ش ساياساتىنا دا تاۋەلدى بولماق. مۇناي باعاسى بويىنشا الەم ساراپشىلارى ءبىرقاتار بولجام ازىرلەدى.

ەگەر ءوندىرۋشى ەلدەر كەلىسىمگە كەلە الماسا، ءونىم باعاسى نارىقتىق مەحانيزمگە ساي بەلگىلەنەدى. ەسەسىنە، قىمبات مۇناي شىعارۋشىلار بۇل نارىقتان كەتەدى. ونداي جاعدايدا الەمدىك مۇناي باعاسى 30-40 دوللاردى قۇرايتىن بولادى. ال وپەك كەلىسىمى ۇزارتىلسا، ونىمگە سۇرانىس ارتادى. ءبىراق ءوندىرىستى كەلىسىمگە مۇشە ەمەس ەلدەر اتقاراتىندىقتان، ۇيىم تىس قالۋى مۇمكىن. ال باعا 45-50 دوللار بولادى.

تاعى ءبىر بولجام بويىنشا، وپەك ا ق ش، كانادا، سياقتى بۇرىن مۇشە بولماعان ەلدەردى قابىلداۋى ىقتيمال. ال باعا 50-55 دوللار دەڭگەيىندە بولماق. قوس نارىق سسەناريى بويىنشا ا ق ش ءوزىنىڭ مۇناي وندىرۋشىلەرىن سۋبسيديالاي باستايدى. ءسويتىپ، ولار الەم نارىعىنداعى تومەن باعادان تاۋەلسىز بولادى. بۇل ءوز كەزەگىندە سىرتقى نارىققا ەسىك اشادى.

وسىلايشا، الەمدەگى قۇن $25- 30 بولسا، ا ق ش- تا $50- 55 قۇراۋى كەرەك. ءبىراق ساراپشىلار جاقىندا مۇناي باعاسى ءسال ءوسۋى مۇمكىن دەگەن بولجام جاساپ وتىر. سىرتتان تاسىمالداناتىن تاۋارلار ءتيىمسىز بولادى. ال ەلىمىزدە جىل كولەمىندە يمپورتتىق تاۋارلار قىمباتتاي بەرەدى. قولدانبالى ەكونوميكانى زەرتتەۋ ورتالىعىنىڭ ساراپشىلارى مۇنى تەڭگەنىڭ قۇنسىزدانۋىمەن بايلانىستىرادى. ەلىمىزدە ازىق- تۇلىكتىك ەمەس بۇيىمداردىڭ 60 پروتسەنتى سىرتتان تاسىمالدانادى. بولجام بويىنشا، اسىرەسە، كيىم- كەشەك پەن اياق كيىمنىڭ باعاسى شارىقتاۋى مۇمكىن. تۇرمىستىق تەحنيكا مەن ءۇي جابدىقتارىن 4 پروتسەنتكە قىمبات الامىز. ءدارى- دارمەكتىڭ دە قىمباتتايتىنى بەلگىلى بولدى. وكىنىشكە قاراي، قازاقستان ءالى دە يمپورتقا تاۋەلدى. ال قازاقستاندىقتار جالپى تابىسىنىڭ 30 پروتسەنتىن سول تاۋارلاردى الۋعا جۇمسايدى.

ازىق- تۇلىك قىمباتتاي ما؟

شەتەلدىك ازىق- تۇلىكتى تۇتىناتىن ازاماتتارعا دا ايتارىم بار. تەڭگە قۇنسىزدانسا، بۇل تاۋار ءتۇرى تىپتەن قىمباتتاۋى مۇمكىن. كارانتين ەنگىزىلگەلى ەلدە ازىق- تۇلىككە سۇرانىس ارتقانى بەلگىلى. سالدارىنان باعا 10 پروتسەنتكە شارىقتايدى دەيدى ماماندار. اسىرەسە، بيداي جانە ءداندى داقىل ونىمدەرى قىمباتتايدى. سەبەبى شەكتەۋلەرگە بايلانىستى قازاقستان سياقتى ءبىرقاتار ەلدە ەكسپورت ازايدى. ال اراب مەملەكەتتەرى بۇل ونىمدەردى مولىنان ساتىپ الۋعا تىرىسىپ باعۋدا. ەندى سۇرانىس كوبەيىپ، ۇسىنىس ازايعان تۇستا باعا دا ءبىر ورنىندا تۇرمايتىنى حاق دەيدى ەكونوميستەر.

www.24.kz


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات