+7 (701) 759 90 19
16 °С : نۇر-سۇلتان
17 °С : الماتى
USD 405.69 EUR 455.51
RUB 5.72 CNY 57.42
جاڭالىقتار

ماجىلىستە الەۋمەتتىك كومەك ۇسىنۋ تەتىكتەرىن ودان ءارى جەتىلدىرۋ ماسەلەلەرى قارالدى

26 مامىر 18:48
:ءبولىسۋ
ماجىلىستە الەۋمەتتىك كومەك ۇسىنۋ تەتىكتەرىن ودان ءارى جەتىلدىرۋ ماسەلەلەرى قارالدى

نۇر- سۇلتان. قازاقپارات - ماجىلىستە الەۋمەتتىك- مادەني دامۋ كوميتەتىنىڭ كەڭەيتىلگەن وتىرىسى ءوتىپ، وندا مەملەكەت باسشىسىنىڭ 10 - ساۋىردە ۇكىمەتكە بەرگەن تاپسىرماسىن ورىنداۋ شەڭبەرىندە مۇقتاج ازاماتتارعا الەۋمەتتىك كومەك ۇسىنۋ تەتىكتەرىن ودان ءارى جەتىلدىرۋ ماسەلەلەرى قارالدى، دەپ حابارلايدى قازاقپارات.

دەپۋتاتتار الدىندا ءسوز سويلەگەن ەڭبەك جانە حالىقتى الەۋمەتتىك قورعاۋ ۆيتسە- ءمينيسترى ەرلان اۋكەنوۆ قازىرگى كەزدە مينيسترلىك ازىرلەپ جاتقان جانە وسى جىلدىڭ كۇزىنە قاراي اياقتالۋى جوسپارلانعان «وتباسىنىڭ سيفرلىق الەۋمەتتىك كارتاسى» اقپاراتتىق جۇيەسى ادامداردىڭ ءال- اۋقاتى دەڭگەيىن بەلسەندى فورماتتا ايقىنداۋعا مۇمكىندىك بەرەتىنىن اتاپ ايتتى.

بۇل مۇقتاج ازاماتتارعا الەۋمەتتىك كومەك كورسەتۋدىڭ مالىمدەۋشىلىك مودەلىنەن انىقتاۋشىلىق مودەلىنە كوشۋگە مۇمكىندىك بەرەدى. وتىرىس بارىسىندا دەپۋتات جانات وماربەكوۆا رەسپۋبليكادا بىلىكتىلىگى جوعارى الەۋمەتتىك قىزمەتكەرلەرگە سۇرانىس وتە كوپ ەكەنىنە توقتالىپ، ولاردىڭ قىزمەتىن جاڭعىرتۋ قاجەتتىگىن ايتتى. سونداي- اق مۇمكىندىگى شەكتەۋلى بالالارعا ارنالعان قاشىقتان وقىتۋدىڭ ارنايى باعدارلاماسىن جەتىلدىرۋدىڭ ماڭىزدىلىعىنا ءمان بەردى.

«تۇرعىنداردىڭ مۇقتاج ازاماتتاردىڭ الەۋمەتتىك كومەك الۋى جونىندەگى بارلىق شاعىمىنا، ەسكەرتۋى مەن ۇسىنىسىنا جان- جاقتى تالداۋ جۇرگىزىپ، ءتيىستى شارالار قابىلداۋ قاجەت»، - دەدى وتىرىستى قورىتىندىلاعان كوميتەت ءتوراعاسى بەيبىت مامرايەۆ.

سونىمەن قاتار دەپۋتات ب. مامرايەۆ شالعاي ەلدى مەكەندەردەگى مۇقتاج تۇرعىنداردىڭ الەۋمەتتىك كومەكتى ۋاقتىلى الۋى ماقساتىندا بانك قىزمەتتەرىنىڭ قولجەتىمدىلىگىن قامتاماسىز ەتۋ كەرەكتىگىنە باسا نازار اۋداردى. جالپى، كوميتەت شىن مۇقتاج ازاماتتارعا الەۋمەتتىك قولداۋ كورسەتۋدىڭ ايقىن تەتىگىن جاساۋدى ۇسىندى. ول كەيبىر ادامداردىڭ تاراپىنان ماسىلدىق پيعىل تانىتۋدىڭ كەز كەلگەن فاكتىسىنە جول بەرمەۋى ءتيىس. سونداي- اق جۇمىسسىز، تابىسى از ازاماتتاردى جانە مۇمكىندىگى شەكتەۋلى ادامداردى ەڭبەككە تارتۋ جانە ولاردىڭ ەكونوميكالىق بەلسەندىلىگىن ارتتىرۋ مۇمكىندىكتەرىن كەڭەيتۋ ماسەلەسىن جۇيەلى تۇردە پىسىقتاۋ ۇسىنىلدى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049

مۇراعات