+7 (701) 759 90 19
24 °С : نۇر-سۇلتان
28 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

جامبىل وبلىسىندا سۋرەتكە ءتۇسۋ ءۇشىن ۆاگوننىڭ ۇستىنە شىققان جاس جىگىت كۇيىپ قالدى

26 مامىر 17:10
:ءبولىسۋ
جامبىل وبلىسىندا سۋرەتكە ءتۇسۋ ءۇشىن ۆاگوننىڭ ۇستىنە شىققان جاس جىگىت كۇيىپ قالدى

تاراز. قازاقپارات - جامبىل وبلىسىندا پويىزدىڭ ۆاگون-سيستەرناسىنا ءمىنىپ، فوتوعا تۇسپەك بولعان شۋ قالاسىنىڭ 20 جاستاعى تۇرعىنى كۇيىپ قالدى، - دەپ حابارلايدى قازاقپارات كولىكتەگى پوليتسيا دەپارتامەنتىنىڭ باسپا ءسوز قىزمەتىنە سىلتەمە جاساپ.

بيىلعى جىلدىڭ 24 -مامىرىندا شۋ قالالىق اۋرۋحاناسىنىڭ قىزمەتكەرىنەن جەدەل مەديتسينالىق جاردەم بريگاداسىنىڭ كۇيىك شالعان جاس جىگىتتى شۇعىل جەتكىزگەنى تۋرالى حابارلاما كەلىپ ءتۇستى. تەكسەرۋ بارىسىندا پوليتسەيلەر زارداپ شەككەن ازاماتتىڭ شۋ قالاسىنىڭ 20 جاستاعى تۇرعىنى ەكەنىن انىقتادى.

«اتالعان ازامات 24 -مامىر كۇنى ساعات 20.30 دا فوتوسۋرەتكە ءتۇسۋ ءۇشىن شۋ ستانسياسى پاركىنىڭ ەلەكترلەندىرىلگەن جولىنداعى جۇك پويىزىنىڭ قۇرامىندا تۇرعان ۆاگون-سيستەرناعا ورمەلەپ شىققان. ابايسىزدا ول جوعارى ۆولتتى جەلى سىمىنا ءتۇسىپ قالعان. ناتيجەسىندە ول 50 پايىز دەنە جانە اياق-قولىنىڭ I - II - Ⅲ دارەجەلى ەلەكتروتەرميالىق كۇيىگىن الدى. بۇل فاكت ق ر ق ك-نىڭ 344-بابى 1-بولىگى، ياعني، تەمىر جول كولىگى قوزعالىسىنىڭ قاۋىپسىزدىك ەرەجەلەرىن بۇزۋ فاكتىسى بويىنشا سوتقا دەيىنگى تەرگەۋدىڭ ءبىرىڭعاي تىزىلىمىندە تىركەلدى. جازاتايىم وقيعا بويىنشا تەرگەپ- تەكسەرۋ امالدارى جۇرگىزىلۋدە»، - دەلىنگەن ك پ د باسپا ءسوز قىزمەتىنىڭ حابارلاماسىندا.

سونداي-اق، كولىكتەگى پوليتسيا دەپارتامەنتىنىڭ باستىعى وڭال بەكەيەۆتىڭ ايتۋىنشا، اعىمداعى جىلدىڭ باسىنان بەرى كولىك پوليتسەيلەرى تەمىر جول توسەمىنىڭ بەلگىلەنبەگەن جەرلەرىنەن وتكەن 9569 ازاماتتى انىقتاپ، اكىمشىلىك جاۋاپقا تارتقان. سونىمەن قاتار، ادامداردىڭ بولۋىنا بايلانىستى پوەزداردى شۇعىل تەجەۋدىڭ 184 فاكتىسى تىركەلگەن. ونىڭ ىشىندە اعىمداعى كەزەڭدە تەمىر جول كولىگىنەن جاراقات الۋدىڭ 44 فاكتىسى تىركەلىپ، وكىنىشكە قاراي ونىڭ جارتىسىنان كوبى قايتىس بولدى.

«تەمىر جولدار - جەكە قاۋىپسىزدىك تالاپتارىن ساقتاعان ازاماتتار ءۇشىن قاۋىپتى ەمەس. ءاربىر ازامات قاۋىپسىزدىك تالاپتارىن تولىق ورىنداۋعا مىندەتتى. بۇل ءوز دەنساۋلىعى مەن ءومىرى ءۇشىن وتە ماڭىزدى»، - دەدى پوليتسيا پولكوۆنيگى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات