كارانتين كەزىندە ەلىمىزدە جۇمىسسىزدار سانى قانشا ادامعا ءوستى

نۇر-سۇلتان. قازاقپارات - قازاقستاندا توتەنشە جاعداي رەجيمى كەزىندە جۇمىسسىز رەتىندە تىركەلگەن ادامدار سانى 170 مىڭعا جەتتى.

بۇل تۋرالى ق ر ەڭبەك جانە حالىقتى الەۋمەتتىك قورعاۋ ۆيتسە-ءمينيسترى اقمادي سارباسوۆ ايتتى، دەپ حابارلايدى قازاقپارات ءتىلشىسى.

«شەكتەۋ شارالارى قولدانىستا بولعان كەزەڭ ىشىندە تىركەلگەن جۇمىسسسىزدار سانى 120 مىڭنان 170 مىڭعا دەيىن جەتتى»، - دەدى اقمادي سارباسوۆ ورتالىق كوممۋنيكاتسيالار قىزمەتىندەگى بريفينگ بارىسىندا.

سونىمەن قاتار ول مەملەكەتتىك الەۋمەتتىك ساتقاندىرۋ قورىنان جۇمىسىنان ايىرىلعاندارعا تولەنەتىن الەۋمەتتىك تولەم سانى دا ارتا تۇسكەندىگىن ايتتى.

«ياعني، ەگەر ازامات جۇمىسسىز قالسا، وندا ول 6 اي بويى كىرىسىنىڭ 40 پايىزىن الىپ وتىرۋعا قۇقىلى. بۇگىنگى كۇنى مۇنداي ادامداردىڭ سانى 34 مىڭنان اسىپ جىعىلدى. بۇل مەملەكەتتىك الەۋمەتتىك ساقتاندىرۋ قورى فيليالدارىنا وسى ۋاقىتقا دەيىن جۇگىنىپ ۇلگەرگەندەر»، - دەدى ۆيتسە-مينيستر.