+7 (701) 759 90 19
19 °С : نۇر-سۇلتان
15 °С : الماتى
USD 405.69 EUR 455.51
RUB 5.72 CNY 57.42
جاڭالىقتار

بلوكپوستاعى كولىك اپاتى: جۇرگىزۋشى بۇرىن پوليتسيادا جۇمىس ىستەگەن

26 مامىر 10:22
:ءبولىسۋ
بلوكپوستاعى كولىك اپاتى: جۇرگىزۋشى بۇرىن پوليتسيادا جۇمىس ىستەگەن

الماتى. قازاقپارات - الماتى وبلىسى اۋماعىنداعى بلوكپوستى قيراتىپ، ەكى پوليتسيا قىزمەتكەرىن مەرت قىلعان جۇرگىزۋشى بۇرىن ىشكى ىستەر ورگاندارىندا جۇمىس ىستەگەن، دەپ حابارلايدى قازاقپارات ءتىلشىسى.

BMW ماركالى اۆتوكولىكتىڭ جۇرگىزۋشىسى 1994 -جىلى تۋعان ازامات، بۇرىن قۇقىق قورعاۋ ورگاندارىندا قىزمەت ەتكەن. الايدا ول ءوز مىندەتىنە نەمقۇرايلىق تانىتقانى ءۇشىن جۇمىستان بوساتىلعان.

«وتكىزۋ پۋنكتىندە بولعان قايعىلى وقيعا بىردەن ىشكى ىستەر ورگاندارىندا قىزمەت ەتكەن ەكى پوليتسيا قىزمەتكەرىنىڭ ءومىرىن قيدى. ءبىراق، ەڭ وكىنىشتىسى، جانتۇرشىگەرلىك اپاتتى جاساعان جۇرگىزۋشى بۇرىن پوليتسيادا ىستەگەن. ول پوليتسيادا التى جىل قىزمەت ەتتى، قىزمەتتىك مىندەتتەرىن تيىسىنشە ورىنداماعانى ءۇشىن ءتورت تارتىپتىك جازا الدى. بۇل ونىڭ ىشكى ىستەر ورگاندارىنان كەتۋىنە سەبەپ بولدى. ءبىراق ودان كەيىن دە ول ءوزى ءۇشىن دۇرىس قورتىندى جاساي المادى. زاڭدى بۇزىپ، ول رۋلگە ماس كۇيىندە وتىرىپ، قىلمىس جاسادى»، - دەدى الماتى پوليتسيا دەپارتامەنتىنىڭ باستىعى قانات تايمەردەنوۆ. قانات تايمەردەنوۆتىڭ ايتۋىنشا، ەكى نەمەسە ودان دا كوپ ادامدى ولتىرگەنى ءۇشىن ا. ەسىمدى ازاماتقا قاتىستى ق ر ق ك 99-بابىنىڭ 2-بولىگى بويىنشا سوتقا دەيىنگى تەرگەۋ باستالدى. (15 جىلدان 20 جىلعا دەيىن نەمەسە ءومىر بويىنا باس بوستاندىعىنان ايىرۋعا جازالانادى). قازىر ول قاماۋدا.

ەسكە سالساق، كەشە عانا الماتى پوليتسياسى ماس جۇرگىزۋشىنىڭ پوليتسيا قىزمەتكەرى ەمەس دەگەن بولاتىن. قايعىلى وقيعا 25-مامىر كۇنى تاڭعا جۋى №4-بلوكپوستا بولعان. BMW جۇرگىزۋشىسى ماس كۇيىندە بەتون قورشاۋعا سوعىلىپ بارىپ، ينەرتسيامەن پاترۋلدىك پوليتسيا كولىگىن سوققان. سونىڭ كەسىرىنەن ەكى پوليتسيا قىزمەتكەرى كوز جۇمدى . ءۇشىنشى پوليتسيا قىزمەتكەرى جانساقتاۋ بولىمىندە جاتىر.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049

مۇراعات