+7 (701) 759 90 19
19 °С : نۇر-سۇلتان
15 °С : الماتى
USD 405.69 EUR 455.51
RUB 5.72 CNY 57.42
جاڭالىقتار

مينيستر مينەرالدى تىڭايتقىشتار از سەبىلەتىن وڭىرلەردى اتادى

26 مامىر 11:27
:ءبولىسۋ
مينيستر مينەرالدى تىڭايتقىشتار از سەبىلەتىن وڭىرلەردى اتادى

نۇر- سۇلتان. قازاقپارات - قر اۋىل شارۋاشىلىعى ءمينيسترى ساپارحان وماروۆ ەلىمىزدە قانداي كولەمدە مينەرالدى تىڭايتقىشتار قاجەت ەكەنىن ايتتى، دەپ حابارلايدى قازاقپارات ءتىلشىسى.

«اۋىل شارۋاشىلىعى داقىلدارىنىڭ ونىمدىلىگىن جوعارلاۋىنا اسەر ەتەتىن فاكتورلاردىڭ ءبىرى - مينەرالدى تىڭايتقىشتاردى عىلىمي ۇسىنىستارعا سايكەس ەنگىزۋ. ءبىراق، بۇگىندە 2,5 ميلليون توننا قاجەتتىلىك كەزىندە رەسپۋبليكادا شامامەن 500 مىڭ توننا مينەرالدىق تىڭايتقىشتار ەنگىزىلەدى. تىڭايتقىشتاردى ەنگىزۋ كولەمىن ۇلعايتۋ ماقساتىندا 2020 -جىلى 26,2 ميلليارد تەڭگە سوماسىندا سۋبسيديا قاراستىرىلعان. بۇل رەتتە بيىل رەسپۋبليكالىق بيۋدجەتتەن بولىنگەن 23,3 ميلليارد تەڭگەگە قوسا 2,8 ميلليارد تەڭگە قوسىمشا قاراجات ءبولىندى، بۇل شامامەن 522 مىڭ توننا مينەرالدى تىڭايتقىشتاردى ساتىپ الۋدى جەڭىلدەتۋگە مۇمكىندىك بەرەدى. وسى كورسەتكىش وتكەن جىلمەن سالىستىرعاندا 120 مىڭ تونناعا ارتىق»، - دەدى س. وماروۆ ۇكىمەت وتىرىسىندا.

ونىڭ سوزىنە قاراعاندا، 26 -مامىرداعى جاعداي بويىنشا اۋىل شارۋاشىلىعى تاۋارىن وندىرۋشىلەرگە 395 مىڭ توننا تىڭايتقىش (جوسپاردىڭ %76 ى) جەتكىزىلدى، وڭىرلەردەگى ساقتاۋ قويمالارىندا قوسىمشا شامامەن 31,8 مىڭ توننا تىڭايتقىش بار. بۇل باعىت بويىنشا جۇمىس جالعاساتىن بولادى.

«تىڭايتقىشتاردى ەنگىزۋدىڭ جوسپارعا ساي سەرپىنى قىزىلوردا وبلىسىندا بايقالادى، وندا ەنگىزىلەتىن مينەرالدى تىڭايتقىشتاردىڭ كولەمى عىلىمي نەگىزدەلگەن نورمانىڭ 93 پايىزىن قۇرادى. ال سولتۇستىك قازاقستاندا وبلىسىندا بۇل كورسەتكىش 36 پايىزدى جانە تۇركىستان وبلىسىندا 27 پايىزدى قامتىماق. باسقا وبلىستاردا تىڭايتقىش پايدالانۋدىڭ تومەن دەڭگەيى بايقالادى، وسىعان بايلانىستى بارلىق وبلىس اكىمدىكتەرىنە وسى جاعدايعا ەرەكشە كوڭىل ءبولۋدى جانە جوعارى ءونىم الۋ ءۇشىن تىڭايتقىشتاردى ساتىپ الۋ كولەمىن ارتتىرۋدى ۇسىنامىز. 2018 -جىلى تىڭايتقىشتارعا سۋبسيديا الۋ ءۇشىن اگروحيميالىق كارتوگراممالاردىڭ بولۋى تۋرالى تالاپ ەنگىزىلگەن بولاتىن. شارۋالار تاراپىنان تۇسكەن كوپتەگەن وتىنىشتەر ەسەپكە الىنىپ، بۇل تالاپ 2021 -جىلعا دەيىن كەيىنگە قالدىرىلدى. ءبىز شارۋالاردىڭ دايىندالۋى ءۇشىن جانە توپىراقتىڭ ناقتى اگروحيميالىق جاي- كۇيىن ەسكەرە وتىرىپ تىڭايتقىشتار قاجەت بولعان جەردە عانا ەنگىزىلۋى ءۇشىن ۋاقىت (2 جىل) بەردىك»، - دەدى ۆەدومستۆو باسشىسى.

ونىڭ ايتۋىنشا، وسى ۋاقىت ىشىندە توپىراققا اگروحيميالىق تالداۋ جۇرگىزۋ بويىنشا قىزمەت كورسەتەتىن، قازىرگى زامانعى جوعارى تەحنولوگيالىق جابدىقتارى بار جاڭا اككرەديتتەلگەن زەرتحانالار اشىلدى.

«زەرتتەۋ جۇرگىزۋ ءۇشىن ۋاقىت جەتكىلىكتى بولدى، وسىعان بايلانىستى وبلىستار اكىمدىكتەرى اۋىل شارۋاشىلىعى تاۋارىن وندىرۋشىلەر اراسىندا 2021 -جىلى جانە ودان كەيىنگى جىلدارى سۋبسيديا الۋ ءۇشىن توپىراقتى اگروحيميالىق زەرتتەپ- قاراۋ قاجەتتىگى تۋرالى ءتيىستى ءتۇسىندىرۋ جۇمىستارىن جۇرگىزۋى قاجەت» ، - دەپ ءتۇسىندىردى مينيستر. بۇدان بولەك، جەرگىلىكتى وبلىستار بيۋدجەتتەرىندە پەستيتسيدتەردى سۋبسيديالاۋعا 2020 -جىلعا 37 ميلليارد تەڭگە كوزدەلگەن، بۇل شامامەن 16,6 ميلليون ليتر پەستيتسيدتى سۋبسيديالاۋعا مۇمكىندىك بەرەدى. العاشقى رەت گەربيتسيدتەر عانا ەمەس، سونىمەن قاتار فۋنگيتسيدتەر مەن ينسەكتيتسيدتەر دە سۋبسيديالاناتىن بولادى. جالپى، بۇل ەگىستىكتىڭ فيتوسانيتاريالىق قاۋىپسىزدىگىن قامتاماسىز ەتۋگە مۇمكىندىك بەرەدى.



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049

مۇراعات