قىتايدا قوعامدىق كولىكتەر قالىپتى جۇمىسىنا ورالدى

نۇر-سۇلتان.قازاقپارات - قىتايدا سوڭعى تاۋلىكتە كوروناۆيرۋستى جۇقتىرۋدىڭ 11 دەرەگى تىركەلدى، دەپ حابارلايدى «حابار 24».

ولاردىڭ بارلىعى شەتەلدەن كەلگەن ادامداردان انىقتالدى. ال بەيجىڭدە 40 كۇن بويى دەرتتى جۇقتىرۋ وقيعاسى تىركەلگەن جوق. قالاداعى قوعامدىق كولىك قالىپتى جۇمىسىنا ورالىپ جاتىر. جالپى، شاھاردا 30 مىڭعا جۋىق اۆتوبۋس قاتىناپ، مەترونىڭ 23 جەلىسى مەن 405 بەكەتى بار. مەترو مەن اۆتوبۋسقا كىرگەندە بەتپەردە تاعۋ مىندەتتى. مەتروعا كىرە بەرىستە ءالى دە دەنە قىزۋى ولشەنەدى، ال اۆتوبۋستار مەن ۆاگوندار ۇنەمى دەزينفەكتسيالانادى. جالپى، قالا تۇرعىندارى قوعامدىق كولىكپەن ءجۇرۋدى قاۋىپسىز سانايدى. دەگەنمەن قالا بيلىگى اۆتوبۋستار مەن مەترودا حالىق سانىن ازايتۋعى تىرىسىپ كەلەدى. ەگەر بۇرىن بەيجىڭدە جەكە مەنشىك كولىكپەن جۇرۋگە شەكتەۋ بولسا، قازىر ونى الىپ تاستادى.

www.24.kz