+7 (701) 759 90 19
19 °С : نۇر-سۇلتان
15 °С : الماتى
USD 405.69 EUR 455.51
RUB 5.72 CNY 57.42
جاڭالىقتار

اقتوبەنىڭ كاسىپكەرلەرى توي جاساۋعا رۇقسات سۇرادى

26 مامىر 10:49
:ءبولىسۋ
اقتوبەنىڭ كاسىپكەرلەرى توي جاساۋعا رۇقسات سۇرادى

اقتوبە. قازاقپارات - اقتوبەدە ءىرى بازارلار مەن مەيرامحانا يەلەرى وبلىستىق تاۋارلار جانە كورسەتىلەتىن قىزمەتتەر ساپاسى مەن قاۋىپسىزدىگىن باقىلاۋ دەپارتامەنتىنىڭ باسشىسىمەن كەزدەستى، دەپ حابارلايدى قازاقپارات ءتىلشىسى.

وبلىستىق كاسىپكەرلەر پالاتاسى بيزنەس يەلەرىن جيناپ، وبلىستىق تاۋارلار جانە كورسەتىلەتىن قىزمەتتەر ساپاسى مەن قاۋىپسىزدىگىن باقىلاۋ دەپارتامەنتىنىڭ باسشىسى نۇرسۇلۋ بەركىمبايەۆامەن كەزدەستىردى. ونلاين كەزدەسۋگە قوسىلعاندار دا بولدى.

«اقتوبەدە 278 ادام كوروناۆيرۋس ينفەكتسياسىنا شالدىعىپ، 206 ادام ەمدەلىپ شىقتى. مەن كاسىپكەرلەرگە العىس ايتامىن. سەبەبى ءبارى ۋاقتىلى مەيرامحانا، ءدامحانا، بازارلاردى جاۋىپ، توتەنشە جاعداي تالابىن ساقتادى. ال 22 -مامىر كۇنى ەلىمىزدىڭ باس سانيتار دارىگەرىنىڭ قاۋلىسى قايتا شىقتى. سوندا انىق جازىلعان. ءوسىم 7 پايىزدان اسپاۋى ءتيىس. قازىر وبلىس اكىمدىگىندەگى شتاب كەلىسىمىمەن بىرنەشە بازار جۇمىس ىستەپ تۇر. ءبارى ازىق- تۇلىك ساتادى. وزگەسىنە رۇقسات بەرىلمەدى. بۇگىندە مونيتورينگ توبى بازارلاردى ارالاپ ءجۇر. ولاردىڭ ورتاق شەشىمىنەن سوڭ، دايىندىق اكتىسى بەرىلسە، سانيتارلىق ەرەجە قاتاڭ ساقتالسا، ءىرى بازارلار اشىلۋى مۇمكىن»، - دەدى نۇرسۇلۋ بەركىمبايەۆا.

وبلىستا بۇعان دەيىن ءدامحانالاردىڭ جۇمىسىنا رۇقسات بەرىلگەن بولاتىن. تەك كەلۋشىلەر قاتارى 30 دان اسپاۋى ءتيىس.

«مەيرامحانالار دا 30 ادامعا عانا قىزمەت كورسەتە الادى. ءتىپتى 200 ادامعا ارنالعان مەيرامحانا بولسا دا ادام سانى شەكتەلەدى. وزگەسىنە جول جوق. دەمالىس ورنىنىڭ جۇمىسى 20:00 دە اياقتالۋى ءتيىس. وسى اپتادا باقىلاپ، شەشىمدى قوسىمشا حابارلايمىز. كاسىپكەرلەر ءتۇسىنۋى ءتيىس. كوروناۆيرۋس بار، كەز كەلگەن ۇساق- تۇيەك قاۋىپسىزدىك ەرەجەسىن ساقتاماساق قيىن بولادى. جىل سوڭىنا دەيىن شىدامدىلىقپەن كۇتەمىز. مەديتسينالىق ماسكا كيىپ، اراقاشىقتىقتى ساقتايىق. وكىنىشكە قاراي، سوڭعى دەرەكتەر اۋىزاشاردا تىركەلدى. تۋما- تۋىس، ءبۇتىن وتباسى تىركەلدى. اتا- اجەسى، اتا- اناسى، بالاسى.. . تاماق تانۋ ورىندارىندا 30 ادامعا رۇقسات بەرىلگەننىڭ وزىندە وتباسىلىق مەرەكەنى ۇيىمداستىرۋدىڭ قاجەتى جوق»، - دەدى ن. بەركىمبايەۆا. ەسكە سالساق، اقتوبەدە سوڭعى ەكى اپتادا كارانتين رەجيمى جەڭىلدەمەدى.



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049

مۇراعات