اقتاۋدا ءبىر جاسار ءسابي كوپقاباتتى ءۇيدىڭ تەرەزەسىنەن قۇلاپ كەتكەن

None
None
اقتاۋ. قازاقپارات - ءسابي ميى شايقالىپ، سۇيەكتىڭ سىنۋى بەلگىلەرىمەن ماڭعىستاۋ وبلىستىق كوپبەيىندى بالالار اۋرۋحاناسىندا جاتقىزىلدى، دەپ حابارلايدى قازاقپارات ءتىلشىسى.

وبلىستىق دەنساۋلىق ساقتاۋ باسقارماسى باسپا ءسوز قىزمەتىنىڭ حابارلاۋىنشا، رەانيماتولوگ جانە نەيروحيرۋرگ ءسابيدى قاراپ، شۇعىل تۇردە اۋرۋحاناعا جاتقىزعان. قازىرگى ۋاقىتتا بۇلدىرشىندە قانسىراۋ بەلگىسى بايقالمايدى، سول سەبەپتى وعان قان قۇيىلماعان. دەمالىس كۇنى وسىنداي تاعى ءبىر جاعداي ورىن الدى. بەس جاسار بالا 26-شاعىن اۋدانداعى كوپقاباتتى ءۇيدىڭ ءتورتىنشى قاباتىنان قۇلاعان. قازىر ناۋقاستىڭ جاعدايى اۋىر، تىنىس الۋ اپپاراتىنا قوسىلعان. بۇعان دەيىن بەس جاسار بالا شىعىس شاعىن اۋدانىندا ەكىنشى قاباتتان قۇلاپ، مەديتسينالىق كومەككە جۇگىنگەن بولاتىن. ابىروي بولعاندا ونىڭ ومىرىنە ءتونىپ تۇرعان قاۋىپ جوق. وسىلايشا سوڭعى ەكى اپتادا ءۇش بالانىڭ ەكىنشى، ءۇشىنشى جانە ءتورتىنشى قاباتتان قۇلاعان ءۇش دەرەگى ورىن الىپ وتىر. دارىگەرلەر اتا- انالارعا بالاسىنا مۇقيات قاراپ، ەڭ باستىسى تەرەزەنى اشىپ قويۋعا بولمايتىنىن ەسكە سالادى.

سوڭعى جاڭالىقتار