يزرايل تاريحىندا تۇڭعىش رەت مەملەكەت باسشىسى سوت الدىنا كەلدى

نۇر-سۇلتان. قازاقپارات – 70 جاستاعى پرەمەر- مينيستر بينيامين نەتانياحۋعا اقشا جىمقىردى، الاياقتىق جاسادى جانە سەنىمدى اقتامادى دەگەن ايىپ تاعىلىپ وتىر، دەپ حابارلايدى «حابار 24».

وسىعان بايلانىستى ەندى سوت پروتسەسى باستالدى. ءبىراق پرەمەر وزىنە تاعىلعان كىنالاردى جوققا شىعارىپ وتىر. العاشقى سوت وتىرىسى نەبارى ءبىر ساعاتقا سوزىلدى. كەلەسى وتىرىس 19- شىلدەگە بەكىتىلگەن.

ايتا كەتەيىك، سوت پروتسەسى باستالماي تۇرىپ، بىرنەشە كۇن بۇرىن بينيامين نەتانياحۋ ءوزىنىڭ ۇكىمەت باسشىسى رەتىندەگى قىزمەتىنە قايتا كىرىسكەن ەدى.