+7 (701) 759 90 19
16 °С : نۇر-سۇلتان
17 °С : الماتى
USD 405.69 EUR 455.51
RUB 5.72 CNY 57.42
جاڭالىقتار

كوروناۆيرۋستى جۇقتىرعانداردىڭ اراسىندا وقۋشىلار مەن مۇعالىمدەر جوق

25 مامىر 19:08
:ءبولىسۋ
كوروناۆيرۋستى جۇقتىرعانداردىڭ اراسىندا وقۋشىلار مەن مۇعالىمدەر جوق

نۇر- سۇلتان. قازاقپارات – ق ر د س م تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتىنىڭ ءتوراعاسى تيمۋر سۇلتانعازيەۆ قازاقستانداعى قاشىقتان وقىتۋ ءتارتىبىنىڭ جەتىستىگىن تۋرالى ايتىپ بەردى، دەپ حابارلايدى قازاقپارات ءتىلشىسى.

«مەملەكەتتىك باس سانيتارلىق دارىگەردىڭ قاۋلىسىنا سايكەس، جۇمىستاعى ادامداردىڭ 70 پايىزى قاشىقتان جۇمىس جۇرگىزۋ تارتىبىنە كوشكەن بولاتىن. وقىتۋدىڭ ءوزى دە 100 پايىز - تۇگەلدەي قاشىقتان جۇرگىزۋگە اۋىستىرىلعانىن بىلەسىزدەر. ايتسە دە قاشىقتان جۇمىس جۇرگىزۋ تارتىبىنە كوشپەگەن ۇجىمداردىڭ ىشىندە كوروناۆيرۋستى جۇقتىرعانداردىڭ ارتىپ كەلە جاتقانىن كورىپ وتىرمىز. وسى رەتتە ءبىر جارقىن مىسالدى كەلتىرە كەتەيىن: ءبىلىم جۇيەسىندە، مەكتەپتەر، ۋنيۆەرسيتەتتەر مەن كوللەدجدەر تولىعىمەن قاشىقتان وقىتۋعا كوشىپ كەتكەننەن كەيىن ءبىز وقۋشىلار، ستۋدەنتتەر مەن مۇعالىمدەر اراسىندا ۆيرۋس جۇقتىرعاندار مۇلدە تىركەلمەي جاتقانىن كورىپ وتىرمىز»، - دەدى تيمۋر سۇلتانعازييەۆ دەنساۋلىق ساقتاۋ مينيسترلىگىنىڭ Facebook پاراقشاسىنداعى سۇحباتىندا.

ونىڭ ايتۋىنشا، قاشىقتان جۇمىس جۇرگىزۋ تارتىبىنە كوشپەگەن ۇجىمدارداعى جۇمىسكەرلەر قاراپايىم ساقتىق شارالارىن ۇستانباي، مۇنىڭ سالدارى ايقىن كورىنىپ وتىر. «وسىعان بايلانىستى وتكەن اپتادان باستاپ بەلسەندى تۇردە جەرگىلىكتى جەرلەردە رەيد شارالارىن جۇرگىزە باستادىق. ايماقتارداعى شتابتاردىڭ بارىنە دە وسىنداي تاپسىرما بەرىلدى. جەدەل شتابتار باقىلاۋ كوميتەتىنىڭ، پوليتسيا وكىلدەرىمەن بىرگە شىعىپ، مەيرامحانالار مەن ءدامحانالاردى تەكسەرەدى. وتكەن اپتادا 10 مىڭعا تارتا نىسان تەكسەرىلىپ، 1 مىڭعا تارتا ەرەجە بۇزۋشىلىق انىقتالدى. وسى تەكسەرىستىڭ ناتيجەسى بويىنشا جۇمىسىن توقتاتقان كاسىپورىندار دا بار. كەيبىر كاسىپورىندارعا قاتىستى اكىمشىلىك حاتتاما تولتىرىلدى. بۇل جۇمىس جالعاسىن تابادى»، - دەدى ول.

اۆتور: ايان بەكەن ۇلى



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049

مۇراعات